مادەنيەت جانە سپورت مينيسترلىگىنىڭ القالى وتىرىسىندا يليا يلين فەدەراتسيانىڭ قازىرگى جۇمىسىنا الاڭداۋشىلىق ءبىلدىردى.
«مەن بۇل جەردە ەكى جىل كاسىبي سپورتشى رەتىندە ەمەس, سپورت مەنەدجەرى رەتىندە جۇمىس ىستەدىم. ەكى جىل بويى كوماندادا شەشىم قابىلداپ, باسقا دا شارۋالارىنا دا قاتىسىپ ءجۇردىم. ءبىر جىلدان بەرى ءبىز اۋىر اتلەتيكا فەدەراتسياسىنا لايىقتى باسشى تابا الماي ءجۇرمىز. ءبىر جارىم جىل بۇرىن مەن مەنەدجەر بولىپ كىرگەنىمدە باپكەرلەرمەن سويلەستىم, وزەكتى ماسەلەلەر قوزعالدى», دەدى يلين.
سپورتشىنىڭ ايتۋىنشا, اۋىر اتلەتيكا - ءتۇرلى جارىستاردا قازاقستان قورجىنىنا ەڭ كوپ مەدال سالاتىن سپورت تۇرلەرىنىڭ ءبىرى, ال اۋىر اتلەتتەردىڭ جاڭا بۋىنى بۇدان دا زور ناتيجە كورسەتۋى قاجەت.
«مەن قازىر ارىپتەستەرىمە, باسشىلىققا, التاي كولگىنوۆكە جانە اسحات ورالوۆقا ءوتىنىش بىلدىرگىم كەلىپ تۇر. ءبىر شەشىم قابىلداڭىزدار, مەن جەتىلدىم, باسشىلىق قىزمەتتى قابىلداۋعا, كوماندانى ءوز قولىما الۋعا دايىنمىن. سەبەبى مەن بۇل سپورتتىڭ قىر-سىرىن جاقسى بىلەمىن. ماعان قولداۋ كورسەتۋلەرىڭىزدى سۇرايمىن», دەدى يليا يلين.
مادەنيەت جانە سپورت ءمينيسترى اسحات ورالوۆ بۇل ماسەلەنى يلينمەن بولەك تالقىلاۋعا دايىن ەكەنىن ايتتى.
