«قازاقستان رەسپۋبليكاسىنىڭ اۋماعىنان كولىكتىڭ بارلىق تۇرلەرىمەن جانار-جاعارمايدى, عىلىمي-زەرتتەۋ جۇمىستارىنا ارنالعان اۆياتسيالىق جانارمايدى قوسپاعاندا, اۆتوكولىكتەردى ءوندىرۋشى ۇسىنعان گاز تسيستەرنالارىندا ەكسپورتتاۋدى قوسپاعاندا بەنزيندى, ديزەلدىك وتىندى جانە مۇناي ونىمدەرىنىڭ جەكەلەگەن تۇرلەرىن ەلدەن اكەتۋگە ءتورت اي مەرزىمگە تىيىم سالىنسىن», دەلىنگەن قۇجاتتا.
بۇيرىق جوباسى اشىق نقا سايتىندا 31 قاڭتارعا دەيىن ورنالاستىرىلعان.
2023 جىلدىڭ 20 قاڭتارىندا ەنەرگەتيكا ءمينيسترىنىڭ, قارجى ءمينيسترىنىڭ, ىشكى ىستەر ءمينيسترىنىڭ جانە ۇلتتىق قاۋىپسىزدىك كوميتەتى توراعاسىنىڭ بىرلەسكەن بۇيرىعىمەن ەلىمىزدە جانار-جاعارمايدى اۆتوموبيل كولىگىمەن ەكسپورتتاۋعا تىيىم سالۋ مەرزىمى ۇزارتىلدى.
سول كۇنى پرەمەر-مينيستر ءاليحان سمايىلوۆ ىشكى نارىقتى جانار-جاعارمايمەن قامتاماسىز ەتۋ ماسەلەلەرى بويىنشا كەڭەس وتكىزگەن ەدى. ول ەنەرگەتيكا مينيسترلىگىنە مۇددەلى مەملەكەتتىك ورگاندارمەن بىرلەسە وتىرىپ, باقىلاۋدى كۇشەيتۋ جانە ەلدەن زاڭسىز وتىن ەكسپورتىن توقتاتۋ بويىنشا شەشۋشى شارالار قابىلداۋدى تاپسىردى.
