شقو اكىمدىگىنىڭ اقپاراتى بويىنشا, جۇمىس توبىن تاجىريبەلى مامان قۇرالبەك ءابدىراحمانوۆ باسقارادى, ول جەو جۇمىسىمەن جاقسى تانىس. كومپانيا قاراعاندى مەن استانادا جۇمىس ىستەيدى. بۇل رەتتە مامىلە سوماسى كوممەرتسيالىق قۇپيا بولىپ قالا بەردى, الايدا جاڭا ينۆەستور جۇمىسقا كىرىسىپ كەتكەنى بەلگىلى بولدى.
وبلىس اكىمىنىڭ ورىنباسارى ەرجان نۇرباەۆتىڭ ايتۋىنشا, مەنشىك يەسى كومپانيالاردى ەلەكتر ەنەرگياسىن وندىرەتىن تۋربينالاردى جوندەۋگە شاقىرعان. كومىر بەرۋ تراكتىن جوندەۋ جۇمىستارى جالعاسىپ جاتىر, بۇگىن تۇندە جەلىمدەۋ جۇمىستارى اياقتالادى, سودان كەيىن ىسكە قوسۋ-رەتتەۋ پروتسەسى باستالىپ, ەرتەڭ ستانتسياعا ادەتتەگىدەي كومىر بەرىلەدى دەپ جوسپارلانىپ وتىر.
«ارنايى كوكس ءوندىرۋ كەزىندە قازاندىق اگرەگاتتارىن جاعۋ ءۇشىن پايدالانىلاتىن گاز بولىنەدى. سونداي-اق وندىرىستە سۋدى 95 گرادۋسقا دەيىن قىزدىرۋ قاجەت, ونى جىلۋ جەلىسىندە قولدانۋعا بولادى», دەپ اتاپ ءوتتى ەرجان نۇرباەۆ.
ونىڭ ايتۋىنشا, جاڭا مەنشىك يەلەرى «قازمىرىش» قالا قۇراۋشى كاسىپورنىمەن دە ىسكەرلىك ارىپتەستىك قارىم-قاتىناس ورناتۋعا نيەتتى.
ينۆەستور كومپانيا قازىردىڭ وزىندە بارلىق قاجەتتى تولەمدەردى, سونىڭ ىشىندە قاجەتتى جابدىقتار مەن وندىرىلگەن جۇمىستاردى ساتىپ الۋ ءۇشىن قارجى ءبولىپ وتىر. الداعى جوسپار - جىلىتۋ ماۋسىمىن شتاتتىق رەجيمدە وتكىزۋ. ال جازدا ريددەر-جەو-نى تولىققاندى جاڭعىرتۋ جۇمىستارى باستالادى.
24 قاڭتاردا شىعىس قازاقستان وبلىسىنىڭ اكىمى دانيال احمەتوۆ ريددەردەگى جەو يەسىنىڭ اۋىسقانى تۋرالى حابارلادى.
قاراشا ايىنىڭ باسىنان ريددەر-جەو-دا 30-دان استام شتاتتان تىس جانە توتەنشە جاعدايلار بولدى.
