كەڭەسكە قاتىسۋشىلار قازاقستان اۋماعىنداعى گاز سالاسىندا Eurasian Resources Group-تىڭ («ەۋرازيالىق توپ» جشس) جاڭا ينۆەستيتسيالىق جوبالارىن ىسكە قوسۋ جوسپارلارىن, سونداي-اق تەمىرجول ينفراقۇرىلىمىن دامىتۋ جوبالارىن تالقىلادى.
سونىمەن قاتار كەڭەستە ىشكى نارىقتى, اسىرەسە شالعايداعى ەلدى مەكەندەردى كومىرمەن قامتاماسىز ەتۋ ماسەلەلەرى قارالدى.
پرەمەر-مينيستر وڭىرلىك وپەراتورلاردىڭ كومىردى ءبولۋ جونىندەگى قىزمەتىن تالداۋ جانە باسى ارتىق دەلدالداردى اينالىپ ءوتىپ, الەۋمەتتىك وبەكتىلەر مەن حالىققا تىكەلەي ءوندىرۋ ورىندارىنان وتىن جەتكىزۋدىڭ جاڭا تەتىگىن پىسىقتاۋ قاجەتتىگىن اتاپ ءوتتى.
سونداي-اق قازاقستاندىق جانە وزبەك ينۆەستورلارىنىڭ قاتىسۋىمەن ەكى ەلدىڭ تەمىرجولدارى ارقىلى جۇك تاسىمالداۋدى جۇزەگە اسىرۋ ءۇشىن بىرلەسكەن كاسىپورىن قۇرۋ ماسەلەلەرى تالقىلاندى.
كەڭەسكە قارجى, ەنەرگەتيكا, يندۋستريا جانە ينفراقۇرىلىمدىق دامۋ مينيسترلىكتەرىنىڭ, «قازاقستان تەمىر جولى», «QazaqGaz» ۇلتتىق كومپانيالارىنىڭ جانە ERG كومپانياسىنىڭ باسشىلارى قاتىستى.
