جەڭىل اتلەتيكا • 24 قاڭتار، 2023

جەلاياقتار سايىسى

15 رەت كورسەتىلدى

ەلوردا تورىندە تۇڭعىش رەت ۇيىمداستىرىلعان جەڭىل اتلەتيكادان «World Athletics Indoor Tour» ساناتىنداعى كۇمىس دەڭگەيلى «Astana Silver Grand Prix Meeting» دوداسى ءوز مارەسىنە جەتتى. 2016 جىلى تۇساۋى كەسىلگەن جەلاياقتاردىڭ جارىسىن بيىل تمد ەلدەرى اراسىندا ءبىرىنشى بولىپ قازاقستان استاناسى قابىلداعانىن دا ايتا كەتكەن ءجون. الەمگە ايگىلى «گاۋھار ليگاسىنىڭ» جابىق كەشەندەگى بالاماسى رەتىندە وتكىزىلىپ جاتقان جارىستا الەمنىڭ 15 ەلىنەن كەلگەن 100-گە جۋىق سپورتشى باق سىنادى.

ءتۋرنيردىڭ رەسمي اشىلۋ سال­تاناتىنا مادەنيەت جانە سپورت ءمينيسترى اسحات ورالوۆ جانە قازاق­ستان جەڭىل اتلەتيكا فە­دەرا­تسياسىنىڭ پرەزيدەنتى دانيال احمەتوۆ قاتىسىپ، سايىسقا تۇ­سە­تىن سپورتشىلارعا ساتتىلىك تى­لەدى.

«بۇل جارىستىڭ وزگە تۋرنير­لەرگە قاراعاندا ءجونى بولەك. ويت­كەنى حالىقارالىق جەڭىل اتلەتيكا فەدە­راتسياسى جابىق كەشەندەگى دودالاردىڭ بەدەلىن ارتتىرۋ ماق­سا­تىندا 2016 جىلى «گاۋھار ليگا­سىنىڭ» نەگىزىندە وسى جارىس­تى ۇيىمداستىرۋدى قولعا العان بولاتىن. سودان بەرى ۇزدىكسىز وت­كىزىلىپ كەلەدى. مىنە، جەتى جىلدان كەيىن حالىقارالىق فەدەراتسيا وسى جارىستىڭ ءبىر كەزەڭىن وتكىزۋدى قازاقستان اس­تاناسىنا سەنىپ تاپسىردى. بي­ىلعى «Astana Silver Grand Prix Meeting» تۋرنيرىندە الەمنىڭ ءار قيىرىنان كەلگەن 15 ەلدىڭ سپورتشىسى باق سىناۋ مۇم­كىندىگىنە يە بولدى. جارىسقا قاتى­سۋشى سپورتشىلاردىڭ بارىنە ساتتىلىك تىلەيمىن»، دەدى فەدەراتسيا پرە­زي­دەنتى دانيال احمەتوۆ.

استاناداعى «Qazaqstan» سپورت كەشەنىندە وتكەن ءدۇبىرلى دودادا سپورتشىلار جەڭىل اتلەتيكانىڭ 10 تۇرىنەن ءوزارا مىقتىنى انىق­تادى.

بايراقتى باسەكەنىڭ شىمىل­دىعى ەرلەر اراسىندا 60 مەترگە كەدەرگىلەر ارقىلى جۇگىرۋ سايىسىمەن ءتۇرىلدى. بۇل سىندا كۋبا وكىلى رودجەرس يريبارننىڭ باعى جاندى. ول اتالعان قاشىقتىقتى نەبارى 7.62 سەكۋندتا جۇگىرىپ ءوتتى. يريبارننان ءۇش ميلليسەكۋندقا قالىپ قويعان وتانداسىمىز داۆيد ەفرەموۆ (7.65) كۇمىس جۇلدەنى قاناعات تۇتتى. داۆيد وسى جارىس­تىڭ ىرىكتەۋ كەزەڭىندە 7.62 سەكۋند ناتيجەسىمەن قازاقستان رەكوردىن جاڭارتقان بولاتىن. بىراق رەسمي جۇگىرۋدە ول ءوز ناتيجەسىن قايتالاي المادى.

ال ءدال وسى قاشىقتىقتا ەركىن جۇگىرۋ سايىسىندا مارەگە امەري­كالىق مايكل رودجەرس (6.64) پەن دەمەك كەمپ (6.65) ىركەس-تىركەس جەتتى. ۇزدىك ۇشتىكتى پورتۋگاليا وكىلى فرەدەريكو كۋرۆەلو (6.75) قورىتىندىلادى.

400 مەترگە جۇگىرۋدە 2019 جىلعى ازيا چەمپيوناتىنىڭ قولا جۇلدەگەرى، بىرنەشە دۇركىن قازاق­ستان بىرىنشىلىگىنىڭ جەڭىمپازى ميحايل ليتۆين (46.41) الدىنا جان سالمادى. ەكىنشى ورىندى تاعى ءبىر وتانداسىمىز اندرەي سوكولوۆ (46.74) يەلەنسە، برازيليالىق الەك­­ساندر رۋسسو (47.70) مارە سى­زى­­عىن ءۇشىنشى بولىپ كەستى.

800 مەترگە جارىستا حورۆاتيا جەلاياعى مارينو بلۋدەك 1 مينۋت 48 سەكۋند ناتيجەسىمەن دارا شىقتى. كەنيا وكىلى نيكولاس كيپ­لانگاتكە (1:48.31) كۇمىس، سلو­ۆەنيا سپورتشىسى جان ۆۋ­كوۆيچكە (1:48.72) قولا جۇلدە بۇيىردى. 1500 مەتر قاشىق­تىقتىڭ التىن جۇلدەسى كەنيا­لىق اتلەت دجا­رينتەر مۆاسياگە (4:14.26) بۇيىر­دى. كۇمىس پەن قولا مەدال ەفيوپيالىق حيرۋت مەشەشا (4:14.40) مەن پورتۋگاليالىق كا­ميلا گومەستىڭ (4:26.63) ەن­شىسىندە كەتتى.

3000 مەتردە ەفيوپيا وكىلى الي ابديلمان (7:52.43) جەڭىمپاز اتانسا، ۇلىبريتانيا وكىلى الەك­ساندر دجوردج (8:07.55) پەن قا­زاق­ستان سپورت­شىسى الەكسەي گۋ­ساروۆ (8:27.10) مارەگە ەكىنشى جانە ءۇشىن­شى جەتتى.

ايەلدەر اراسىنداعى باسەكە­لەر دە اسا تارتىستى ءوتتى. ماسەلەن، 60 مەترگە جۇگىرۋ سايىسىندا ازيا ويىن­دارىنىڭ جەڭىمپازى ولگا سافرونوۆا (7.30) پورتۋگاليا وكىلى ارياليس گاندۋللاعا (7.18) ەسە جىبەرىپ، كۇمىس جۇلدەنى قانا­عات تۇتتى. ءۇشىنشى ورىنعا اۋسترا­ليالىق ماگدالەنا ليندەر (7.43) جايعاستى. ۇزىندىققا سە­كىرۋدە وزبەكستان سپورتشىسى داريا رەز­نيچەنكوعا تەڭ كەلەر سپورتشى تابىلمادى. ول 6.32 مەتر ناتيجەمەن توپ جاردى. قازاق­ستان­نىڭ داڭقتى سپورتشىسى، وليم­پيادا چەمپيونى ولگا رىپا­كو­ۆانىڭ قىزى اناستاسيا رىپاكوۆا 5.89 مەترمەن ەكىنشى، تاعى ءبىر جەرلەسىمىز الينا چيس­تياكوۆا (5.84) جۇلدەلى ءۇشىنشى ورىنعا جايعاستى.

ءتۋرنيردىڭ ەڭ تارتىستى باسە­كەسى ايەلدەر اراسىندا بيىكتىك­كە سەكىرۋ سايىسىندا ءوتتى. ناتي­جەسىندە، جۇلدەلى ءۇش ورىندى دا جەرلەستەرىمىز ولجالادى. نادەجدا دۋبوۆيتسكايا 1.93 مەترمەن التىن تۇعىردان كورىنسە، نادەجدادان ءتورت سانتيمەتر قالىپ قويعان كريس­­تينا وۆچيننيكوۆا (1.89) مەن ەليزاۆەتا ماتۆەەۆا (1.89) ەكىنشى جانە ءۇشىنشى ورىنداردى ءوزارا ءبولىستى.

400 مەتر قاشىقتىقتىڭ ءۇش جۇل­دەسىن دە قازاقستان سپورتشى­لارى يەلەندى. ەلينا ميحينا (55.14) – ءبىرىنشى، الەكساندرا زاليۋ­بوۆسكايا (55.28) – ەكىنشى، ال كريس­­تينا كوندراشوۆا (55.87) ءۇشىنشى ورىننان كورىندى.

سوڭعى جاڭالىقتار

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

قورجىندا قوس جۇلدە

سپورت • كەشە

ۇقساس جاڭالىقتار