بايانداماعا سايكەس, 2021 جىلدىڭ قورىتىندىسى بويىنشا شاعىن جانە ورتا كاسىپكەرلىكتىڭ (شوك) ۇلەسى 33,5 پايىزدى قۇرادى. بۇل كورسەتكىشتىڭ نەگىزگى بولىگى شاعىن كاسىپكەرلىك سۋبەكتىلەرىنە تيەسىلى. ولاردىڭ ءجىو-دەگى ۇلەسى – 26,8 پايىز.
2015 جىلدان 2020 جىلعا دەيىن ەلدىڭ ءجىو-دەگى شاعىن جانە ورتا كاسىپكەرلىكتىڭ ۇلەسى 24,9 پايىزدان 32,8 پايىزعا دەيىن ارتتى. كاسىپكەرلىكتى دامىتۋ جونىندەگى ۇلتتىق جوبانى ىسكە اسىرۋ اياقتالعاننان كەيىن ءجىو-دەگى شوك ۇلەسى 2025 جىلعا قاراي 35 پايىزعا دەيىن وسۋگە ءتيىس.
قازىرگى ۋاقىتتا جۇمىس ىستەپ تۇرعان شاعىن جانە ورتا كاسىپكەرلىك سۋبەكتىلەرىنىڭ سانى 1,4 ميلليونعا ء(وسىم 5,5%) جەتتى. ولار 3,5 ميلليون ادامدى جۇمىسپەن قامتىپ وتىر ء(وسىم 1,1%).
2021 جىلى شاعىن جانە ورتا كاسىپكەرلىك سۋبەكتىلەرىندەگى ەڭبەك ونىمدىلىگى 20 پايىزعا ءوسىپ, ءبىر ادامعا شاققاندا 8 ميلليون تەڭگەگە جەتتى.
ايماق بويىنشا 2021 جىلى شاعىن جانە ورتا كاسىپكەرلىكتىڭ جالپى وڭىرلىك ونىمدەگى ەڭ كوپ ۇلەسى استانا ء(جوو-ءنىڭ 59%), الماتى (47,5%) جانە شىمكەنت (40,5%) قالالارىندا بايقالدى.
مەملەكەتتىك قولداۋ شارالارىنىڭ ناتيجەسىندە بىلتىرعى 1 قازانداعى مالىمەت بويىنشا 5200 جاڭا كاسىپورىن اشىلدى. شاعىن جانە ورتا كاسىپكەرلىك سۋبەكتىلەرى ءۇشىن 47,7 مىڭ قۇجات ازىرلەنىپ, دايىندالدى. قۇنى 119,6 ميلليارد تەڭگە بولاتىن 48,5 مىڭ جوباعا قولداۋ كورسەتىلدى. 16,9 مىڭ كاسىپكەردىڭ بيزنەسى كەڭەيتىلدى.
كاسىپكەرلىك قىزمەت سالاسىنا جاڭا رەتتەۋشى ساياساتتى ەنگىزۋ اياسىندا «اتامەكەن» پالاتاسى مەن ۇكىمەت جاڭا رەتتەۋشى ساياساتتىڭ نەگىزگى شارتتارىنا ساي كەلمەيتىن 9560 تالاپتى انىقتادى.
«باسىنان باستاپ رەتتەۋ» رەفورماسى بيزنەستىڭ جۇكتەمەسىن ورتا ەسەپپەن 30 پايىزعا ازايتۋعا جانە وڭتايلى ءارى تۇسىنىكتى رەتتەۋشى ورتا قالىپتاستىرۋعا مۇمكىندىك بەرەدى.
كاسىپكەرلىك قىزمەتتىڭ دامۋىنا ۇساق جانە شاعىن بيزنەس سۋبەكتىلەرىن تەكسەرۋگە جاريالانعان موراتوري وڭ ىقپال ەتەتىنى ايتىلعان. اتالعان شارا وسى جىلدىڭ سوڭىنا دەيىن ۇزارتىلعان.
پرەزيدەنتتىڭ تاپسىرماسىنا سايكەس كاسىپكەرلەردى نەگىزسىز تەكسەرۋلەردەن قورعاۋ جانە بيزنەستى قىلمىستىق پروتسەسكە زاڭسىز تارتۋدى بولدىرماۋ ءۇشىن كەشەندى شارالار قابىلداندى. باس پروكۋراتۋرا 2023 جىلعا ارنالعان بيزنەستى قورعاۋ جونىندەگى بىرلەسكەن ءىس-قيمىلداردىڭ كەشەندى جوسپارىن بەكىتتى.
2022 جىلى «اتامەكەن» ۇلتتىق كاسىپكەرلەر پالاتاسى قىزمەتىن ترانسفورماتسيالاۋ ءىسى قولعا الىندى. پالاتا ءوز جۇمىسىندا ۇساق جانە شاعىن بيزنەستى قولداۋعا باسا ءمان بەرەدى.
