مىنە, سول ابىروي بيىگىنەن كورىنگەندەردىڭ قاتارىندا شىمكەنت قالاسى ءماسليحاتىنىڭ دەپۋتاتى ايجان نايمبەكوۆا دا بار. بۇل ەسىم بوزارىق, اسار, اسار-2 شاعىن اۋدانىنىڭ تۇرعىندارىنا جاقسى تانىس. ويتكەنى ايجان ىزباسحانقىزى كۇنى بۇگىنگە دەيىن اتى اتالعان ايماقتارداعى الەۋمەتتىڭ كۇردەلى ماسەلەسىن ءماسليحات مىنبەرىنەن كوتەرىپ, شەشىلۋىنە اتسالىسىپ كەلەدى. ناتيجەسىندە تۇرعىنداردى تولعاندىرعان تۇيتكىلدەردىڭ ءبىرازى شەشىمىن تاپتى.
حالىق قالاۋلىسى الەۋمەتتىك جەلىدە دە جۇرتشىلىقپەن كەرى بايلانىس ورناتىپ, تۇرعىندارمەن تىلدەسۋدى ادەتكە اينالدىرعان. مەملەكەت باسشىسى جاريالاعان رەفورمالاردى دا اۋەلگىلەردەن بولىپ تارقاتىپ, ءتۇسىندىرىپ, ءۇن قاتىپ جاتاتىنىن ويى نىق, ساناسى سەرگەك وقىرمان جاقسى بىلەدى. وزگەنى قويعاندا, كاسىپكەرلىك سالانىڭ قىر-سىرىن جاقسى بىلەتىن جان يننوۆاتسيالىق جوبالارعا بەرىلەتىن گرانتقا ۇمىتكەرلەردى ىرىكتەيتىن كوميسسياعا ەكى جىل قاتارىنان جەتەكشىلىك ەتتى. 2021 جىلى حالىق قالاۋلىسىنىڭ ءوزى 4 كاسىپكەردى ارنايى قولداپ, 20 ملن تەڭگە گرانت الۋىنا سەبەپشى بولدى. اراعا جىل سالىپ, سول كاسىپكەرلەر مەملەكەتكە 21 ميلليون تەڭگەنىڭ سالىعىن تولەگەن. مىنە, وسىدان-اق مەملەكەت قارجىسىنا دەگەن جاناشىرلىقتىڭ جارقىن ۇلگىسىن كورۋگە بولادى.
