كەڭەيتىلگەن قۇرامدا وتكەن وتىرىسقا ىشكى ىستەر ءمينيسترىنىڭ ورىنباسارى - ۇلتتىق ۇلاننىڭ باس قولباسشىسى گەنەرال-مايور ەركىن بوتاقانوۆ, سونداي-اق باس قولباسشىلىقتىڭ گەنەرالدارى مەن وفيتسەرلەرى, وڭىرلىك قولباسشىلىقتاردىڭ قولباسشىلارى مەن اكادەميا باستىعى, اسكەري بولىمدەردىڭ كومانديرلەرى جانە ولاردىڭ تاربيە جانە الەۋمەتتىك-قۇقىقتىق جۇمىس جونىندەگى ورىنباسارلارى, اسكەري پوليتسيا باستىقتارى جانە ءوزارا قارىم-قاتىناس ورگاندارىنىڭ وكىلدەرى قاتىستى.
ءىس-شارا بارىسىندا اسكەري قىزمەتتىڭ وتكەن جىلعى قورىتىندىلارى شىعارىلدى. سونداي-اق قر پرەزيدەنتى - قارۋلى كۇشتەردىڭ جوعارعى باس قولباسشىسىنىڭ جاڭا تالاپتارى اياسىندا ۇلتتىق ۇلان اسكەرىن ودان ءارى جەتىلدىرۋ جانە دامىتۋ ماسەلەلەرى قارالدى.
قاتىسۋشىلار الدىندا ءسوز سويلەگەن قۇقىق قورعاۋ ۆەدومستۆوسىنىڭ باسشىسى مارات احمەتجانوۆ بولىمدەر مەن بولىمشەلەردىڭ قىزمەتتىك-جاۋىنگەرلىك قىزمەتىن ۇيىمداستىرۋدى ودان ءارى جەتىلدىرۋ, كادرلاردى نىعايتۋ, اسكەري ءتارتىپ پەن قۇقىقتىق ءتارتىپتى ساقتاۋ بويىنشا بىرقاتار مىندەت جۇكتەدى.
«جەدەل جاعداي شيەلەنىسكەن كەزدە پوليتسيا دەپارتامەنتتەرىنىڭ باسقا قۇقىق قورعاۋ ورگاندارىمەن ءوزارا ءىس-قيمىلىن ۇيلەستىرۋدى, تۇراقتى جاۋىنگەرلىك ازىرلىكتى قامتاماسىز ەتۋ قاجەت. جەكە قۇرامدى جەدەل دايارلاۋدى جەتىلدىرۋ جانە اسكەرلەردى وقىتۋدىڭ ءتيىمدى نىساندارى مەن ادىستەرىن تاجىريبەگە ەنگىزۋ جونىندەگى جۇمىستى جالعاستىرۋ كەرەك. داعدارىس جاعدايلارى تۋىنداعان كەزدە كۇشتەر مەن قۇرالداردىڭ جەدەل قولدانۋعا دايىندىعىن قامتاماسىز ەتۋدى قولعا الۋدى ۇسىنامىن», دەپ اتاپ ءوتتى پوليتسيا گەنەرال-پولكوۆنيگى مارات احمەتجانوۆ.
سونىمەن قاتار مينيستر جوعارى جاۋىنگەرلىك دايىندىقتى قامتاماسىز ەتۋگە, اسكەري قىزمەتشىلەردىڭ مورالدىق-پسيحولوگيالىق جاي-كۇيىنە, جەكە قۇرامنىڭ ۇيىمداستىرىلۋى مەن اسكەري تارتىبىنە ەرەكشە نازار اۋداردى.
وتىرىس بارىسىندا وڭىرلىك قولباسشىلىقتار مەن اسكەري بولىمدەردىڭ لاۋازىمدى بىرقاتار ادامى تىڭدالدى, ولاردىڭ بولىمشەلەرىنە سەنىپ تاپسىرىلعان ەلەۋلى كەمشىلىكتەر انىقتالدى.
قر ىشكى ىستەر ءمينيسترىنىڭ ورىنباسارى – ۇلتتىق ۇلاننىڭ باس قولباسشىسى گەنەرال-مايور ەركىن بوتاقانوۆ 2021 جىلمەن سالىستىرعاندا ۇلتتىق ۇلاننىڭ قىزمەتى ايتارلىقتاي وسكەنىن اتاپ ءوتتى. جالپى, ۇلتتىق ۇلانعا زاڭمەن جۇكتەلگەن بارلىق قىزمەتتىك-جاۋىنگەرلىك مىندەتتەر تولىق كولەمدە ورىندالعانىن اتاپ ءوتتى.
اسكەري كەڭەس جۇمىسىنىڭ سوڭىندا 2022 جىلعى «جاۋىنگەرلىك سايىس» جەڭىمپازدارىن سالتاناتتى ماراپاتتاۋ ءراسىمى ءوتتى. سايىستىڭ ناتيجەلەرى بويىنشا اسكەرلەردە 21 ۇزدىك روتا مەن 113 ۇزدىك ۆزۆود انىقتالدى. سونىمەن قاتار 4,5 مىڭنان استام اسكەري قىزمەتشى جاۋىنگەرلىك دايارلىقتىڭ ۇزدىكتەرى اتاندى. جاۋىنگەرلىك جارىستا ەڭ جوعارى ناتيجەلەردى 5518, 5514, 6698, 6679, 5547, 6655, 3502, ۇلتتىق ۇلان اكادەمياسى جانە اسكەري بولىمدەردىڭ ارنايى ماقساتتاعى 5518, 6637 اسكەري بولىمدەرىنىڭ اسكەري قىزمەتشىلەرى كورسەتتى.
