ەل كولەمىندە سوڭعى جىلدارى بۇل باعىتتا ىلكىمدى ىستەر جوق دەۋگە كەلمەيدى. مۇمكىندىگى شەكتەۋلى جاندار كوزگە كورىنبەيتىن شەكارا شەگىندە قالىپ قويماۋى كەرەك. وسى ورايدا ەلىمىزدە وڭالتۋ ورتالىقتارى جۇمىس ىستەيدى. بۇدان بىرەر جىل بۇرىن بالالارعا ارنالعان مۇنداي ورتالىقتاردىڭ كەمدىگى ءجيى ايتىلاتىن. قازىرگى تاڭدا بۇل باستى نازاردا. بالالارعا ارنالعان سونداي ورتالىقتىڭ ءبىرى بالقاش قالاسىندا ورنالاسقان.
اتالعان ورتالىق قاراعاندى وبلىسىنىڭ اۋدان-قالالارىنان كەلگەن مۇمكىندىگى شەكتەۋلى بالالارعا كومەك كورسەتەدى. بۇل – مامانداندىرىلعان ورتالىق. مۇندا قابىلداناتىن بالالاردىڭ جاس شاماسى – 1,5 جاستان باستاپ, 18 جاسقا دەيىنگى ارالىق.
وڭالتۋ ورتالىعىنا ارنالعان عيمارات تولىقتاي جاڭعىردى. ينجەنەرلىك جەلىلەرى جاڭادان جۇرگىزىلىپ, قولجەتىمدى قاعيداتىنا ساي جوندەۋ جۇمىستارى جاسالدى. باسپالداقتارعا ارنايى كوتەرگىشتەر دە ورناتىلدى. باسشىلىقتىڭ مالىمدەۋىنشە, ورتالىق بالالارعا قىزمەت كورسەتۋگە ءازىر.
– ورتالىقتىڭ ەم-دوم جاسايتىن ماماندارى تۇگەل. دارىگەرلەر, مۇعالىمدەر قابىلداندى. اتاپ ايتقاندا, ورتالىقتا پەدياتر, ورتوپەد-تراۆماتولوگ, رەابيليتولوگ, پسيحولوگ, نەۆروپاتولوگ, لوگوپەد, دەفەكتولوگ, مۋزىكا, دەنە شىنىقتىرۋ مۇعالىمدەرى جانە باسقا ماماندار بالالارمەن جۇمىس ىستەيتىن بولادى.
جاتتىعۋ تەراپياسى, فيزيوتەراپيا, ماسساج بولمەلەرى جابدىقتالعان. مونتەسسوري بولمەسى دايىن. ىستىق ۆاننا, گالۆانيزاتسيا, ەلەكتروفارەز, ماگنيتتەراپيا سەكىلدى اپپاراتتار بار. جاتىن بولمەلەرگە فۋنكتسيونالدى كەرەۋەتتەر قويىلدى. پاتسيەنتتەرگە كۇنىنە بەس رەت ىستىق تاماق بەرىلەدى, – دەيدى وڭالتۋ ورتالىعى ديرەكتورىنىڭ مىندەتىن اتقارۋشى دارىن اۋباكىروۆ.
ورتالىقتا 50 ورىن بار. دەنساۋلىعىنداعى ءتۇرلى كورسەتكىشتەرىنە بايلانىستى بالالار جارتى جىلعا دەيىن ورتالىقتا ەم-شارا قابىلداي الادى. وڭالتۋ كەشەندى تۇردە جۇرگىزىلەدى. ياعني وندا مەديتسينالىق, الەۋمەتتىك جانە پەداگوگيكالىق ۇدەرىستەر قامتىلادى. ماماندار تاراپىنان كورسەتىلەتىن قىزمەتتىڭ بارلىعى تەگىن. بۇگىندە Aleumet.egov الەۋمەتتىك پورتالى ارقىلى وڭالتۋعا ءوتىنىش بىلدىرگەن بالالاردى قابىلداۋ ءجۇرىپ جاتىر.
ال رەسمي دەرەكتەر بويىنشا قاراعاندى وبلىسىندا مۇمكىندىگى شەكتەۋلى بالالار سانى 5 مىڭنان اسىپ جىعىلادى.
قاراعاندى وبلىسى,
بالقاش قالاسى
