27 جاستاعى نيدەرلاند وكىلى كەيس بول الداعى ءبىر ماۋسىم «استانا» ساپىندا جارىستارعا قاتىساتىن بولدى. ول بۇعان دەيىن ءوز ەلىندە ىرگەتاسى قالانعان Team DSM كومانداسىنىڭ نامىسىن قورعاپ, سپرينتەرلەر باسەكەسىندە جانە جەكەلەي كەزەڭدەردە ءبىرتالاي ەلەۋلى تابىسقا قول جەتكىزگەن. اتاپ ايتار بولساق, كەيىنگى ءتورت جىلدىڭ ىشىندە كەيس ءبىر كۇندىك «نوكەرە كورس», «كاليفورنيا تۋرى» جانە «نورۆەگيا تۋرىندا» توپ جارعان بولسا, 2020 جىلى «ۆولتا الگارۆە», 2021 جىلعى «پاريج-نيتستسا» جانە 2022 جىلعى «بريتانيا تۋرى» كەزەڭدەرىندە مارەگە ءبىرىنشى جەتكەن.
وسىنىڭ الدىندا لوندون وليمپياداسىنىڭ چەمپيونى الەكساندر ۆينوكۋروۆ جەتەكشىلىك ەتەتىن «استانا» ۆەلوكومانداسى ۇلىبريتانيانىڭ داڭقتى ۆەلوشاباندوزى, الەمدەگى ەڭ ۇزدىك سپرينتەرلەردىڭ ءبىرى مارك كاۆەنديشپەن دە ءبىر جىلدىق كەلىسىمشارت جاساسقان بولاتىن.
