جۇلدە قورى 51,5 ميلليون اقش دوللارىن قۇرايتىن جارىستىڭ العاشقى كەزەڭىندە دۇنيەجۇزىلىك رەيتينگتە 48-ورىندا تۇرعان يتاليالىق ەليزابەتتا كوچچارەتتونى ەكى سەتتە – 7:5, 6:3 ەسەبىمەن تىزە بۇكتىرگەن رىباكينا ەكىنشى اينالىمدا الەمدىك رەيتينگتە 104-ورىندا تۇرعان سلوۆەنيالىق كايا يۋۆانمەن كەزدەستى. ءبىرىنشى پارتيادا قازاقستان تەننيسشىسى مىقتىلىق تانىتىپ, قارسىلاسىنا ەش مۇمكىندىك قالدىرمادى – 6:2. ەكىنشى سەتتە دە جەرلەسىمىز بىلگەنىنەن جاڭىلعان جوق – 6:1. نەبارى ءبىر ساعاتقا سوزىلعان باسەكەدە ەلەنا 5 ەيس جاساپ, 8 برەيك-پوينتتىڭ تورتەۋىن پايدالانا ءبىلدى.
ەندى ە.رىباكينا ءتورتىنشى اينالىمعا شىعۋ ءۇشىن بۇگىن الەمنىڭ 11-راكەتكاسى امەريكالىق دانيەل كوللينزبەن شەبەرلىك بايقاسادى. ەلەنا جۋىردا د.كوللينزدى ادەلايداداعى تۋرنيردە 5:7, 6:2, 6:3 ەسەبىمەن ۇتقان ەدى. ال 2021 جىلى سان-حوسەدە (اقش) وتكەن دودادا د.كوللينز رىباكينادان ەكى سەتتە – 7:6, 7:6 ەسەبىمەن باسىم تۇسكەن بولاتىن. وكىنىشكە قاراي, قىزدار باسەكەسىندە باق سىناپ جاتقان تاعى ءبىر وتانداسىمىز يۋليا پۋتينتسەۆا كەشە چەحيالىق كارولينا پليشكوۆادان جەڭىلىپ, جارىس جولىنان شىعىپ قالدى – 6:0, 7:5.
