«وتكەن جىلى ءبىز بۇل كورسەتكىش بويىنشا رەكوردتىق وسىمگە قول جەتكىزدىك. بيىلعى جىلى مىندەت بۇدان دا اۋقىمدى, ياعني كىرىستى 3,7 تريلليون تەڭگەگە ارتتىرۋ كوزدەلىپ وتىر. كولەڭكەلى ەكونوميكانى قىسقارتۋ, سالىقتىق جانە كەدەندىك اكىمشىلەندىرۋدى جاقسارتۋ بويىنشا جۇمىستى كۇشەيتەمىز», دەدى ەرۇلان جاماۋباەۆ.
قارجى مينيسترلىگىنىڭ باسشىسى ء«بىر تەرەزە», «استانا1», «ەلەكتروندىق شوت-فاكتۋرالار» سياقتى اقپاراتتىق جۇيەلەردى قامتيتىن تاۋارلاردى قاداعالاۋدىڭ ۇلتتىق جۇيەسى جاڭعىرتىلىپ جاتقانىن قوسا ايتتى.
«حالىققا جانە بيزنەسكە ىڭعايلى بولۋ ءۇشىن ءبىز e-Salyq Azamat جانە e-Salyq Business ءموبيلدى قوسىمشالارىنىڭ قامتۋىن كەڭەيتەمىز. قارجى ينستيتۋتتارىنا ەلەكتروندى قىزمەت كورسەتۋ ارقىلى ءبىز قولما-قول اقشاسىز تولەمدەردىڭ قارقىندى ءوسۋىن قامتاماسىز ەتەمىز. كەدەندىك ستاتيستيكالىق مالىمەتتەر اراسىنداعى الشاقتىقتى ازايتۋ بويىنشا بەلسەندى جۇمىستار جۇرگىزىلىپ جاتىر. وسى ماقساتتا نەگىزگى ساۋدا سەرىكتەستەرىمەن اقپارات الماسۋ جولعا قويىلدى», دەدى ەرۇلان جۇماۋباەۆ.
