تابيعي اپاتتاردى جويۋ جونىندەگى ۇلتتىق كەڭەستىڭ بەيسەنبى كۇنى تاراتقان ەسەبىنە سايكەس, رەسپۋبليكانىڭ 14 ايماعىندا 1,67 ميلليوننان استام ادام قولايسىز اۋا رايىنا بايلانىستى زارداپ شەككەن. بۇعان دەيىن تابيعي اپاتتان 30-عا جۋىق ادام قايتىس بولعانى حابارلانعان ەدى.
ۆەدومستۆونىڭ مالىمەتىنشە, 266,3 مىڭ ادام 512 ەۆاكۋاتسيالىق پۋنكتكە ورنالاستىرىلعان. كەمىندە 14,3 مىڭ ادام ۇيلەرىن الدىن الا تاستاپ كەتسە, تاعى 12 ازامات ءتۇرلى دەنە جاراقاتتارىن العان. رەسپۋبليكانىڭ 14 ايماعىندا سۋ تاسقىنى مەن كوشكىندەردى قوسا العاندا 1,1 مىڭنان استام وقيعا تىركەلدى.
606 قالا مەن 148 مۋنيتسيپاليتەتتە وقۋ ورىندارىنداعى ساباقتار مەن كاسىپورىندارداعى جۇمىس ۋاقىتشا توقتاتىلدى. 59 ەلدى مەكەندە توتەنشە جاعداي رەجيمى ەنگىزىلدى. ۇكىمەت زارداپ شەككەن ازاماتتارعا كومەك كورسەتۋ ماقساتىندا بيۋدجەتتەن 86,8 ميلليون پەسو (1,58 ميلليون دوللار) ءبولدى.
