سۇرانىس كوپ, ۇسىنىس از

«ماسەلەن, ءبىر ايدا تۇركىستان وبلىسىندا بوس جۇمىس ورىن­دارى­نىڭ سانى 15,3 مىڭعا دەيىن جەتىپ, 170%-دى, ال الماتى وبلىسىندا 10,6 مىڭعا دەيىن ءوسىپ, 105%-دى قۇراعان. بۇل رەتتە ءبىر اي­داعى ورنالاستىرىلعان بار­لىق بوس جۇمىس ورىندارىنىڭ 44%-ى تۇر­كىستان, الماتى وبلىس­تارى مەن استانا, الماتى قالا­لارىنا تيەسىلى», دەدى «ەڭبەك رەسۋرس­تارىن دامىتۋ ورتالىعى» اق باسقارۋشى ديرەكتورى الەك­ساندرا مولچانوۆسكايا.

ال 2021 جىلعى كورسەتكىشتە بوس جۇمىس ورىندار سانى 16 پا­يىزعا, تۇيىندەمەلەر سانى 73 پا­يىزعا ارتقان. كادرلارعا دەگەن قاجەتتىلىك اۋىل شارۋاشى­لى­عىندا 13,3 مىڭ جانە باسقا دا قىزمەت تۇرلەرىندە 10,3 مىڭ, ورتا ءبىلىم بەرۋ سالاسىندا 9,8 مىڭ بوس جۇمىس ورىندارى تىركەلگەن. ياعني بىلتىر جەلتوقسان ايىندا ەلوردادان باسقا بارلىق وڭىردە ىزدەنۋشىلەردىڭ بەلسەندىلىگى تومەن­دەگەن. تۇيىندەمەلەر سانى الماتى, قاراعاندى, شىعىس قازاقستان جانە تۇركىستان وبلىس­تارىندا ازايسا, تۇركىستان وبلىسى 3,3 مىڭ, الماتى قالاسى 3,4 مىڭ جانە استانا قالاسى 5,7 مىڭ جاريالانعان تۇيىندەمەلەر سانىمەن كوش باستاعان.

الەكساندرا مولچانوۆسكايا­نىڭ ايتۋىنشا, بىلتىر جەلتوقسان ايىندا بىلىكتى قىزمەتكەرلەرگە جوعارى سۇرانىس بايقالعان, ياعني بوس جۇمىس ورنىن ۇسىنۋشىلار جۇمىس ىزدەۋشىلەردەن كاسىبي بى­لىك­­تىلىكتىڭ بولۋىن تالاپ ەتكەن. سونداي-اق كورسەتكىشتىڭ ال­دىڭ­عى ايمەن سالىستىرعاندا تو­مەن­دەگەنى جانە بىلىكتىلىگى جوق ەڭ­بەككە سۇرانىستىڭ ءوسۋى بايقالعان.

الدىڭعى ايدا بىلىكتى قىز­مەتكەرلەر اراسىندا جىلجىمايتىن م ۇلىك اگەنتتەرى, الەۋمەتتىك قىزمەتكەرلەر, كۇزەتشىلەر, سانيتارلار, اسپازدار, سونداي-اق تار­بيە­شىلەر مەن ولاردىڭ كومەك­شىلەرى – تيىسىنشە 1,1 مىڭ جانە 851 بوس جۇمىس ورنى جوعارى سۇ­رانىسقا يە بولدى. ىزدەۋشىلەر اراسىندا نەگىزىنەن اۆتوكولىك جۇر­گىزۋشىلەرى, ساتۋشىلار, بۋحگال­تەرلەر جانە زاڭگەرلەر بولدى. «سۇرانىستىڭ ۇسىنىستان جالپى باسىمدىلىعىنا قاراماستان, جەلتوقسان ايىندا ۆاحتەرلەر, HR بيزنەس سەرىكتەستەرى جانە دەنە شىنىقتىرۋ مۇعالىم­دەرى ايتار­لىقتاي اسىپ ءتۇستى», دەپ ءبولىستى الەكساندرا مول­چانوۆسكايا.

ءوتىنىش بەرۋشىلەردىڭ بەل­سەن­دىلىگى وڭىرلەر بويىنشا گەن­دەر­لىك جاعىنان دا ءارتۇرلى. ماسەلەن, باتىس قازاقستان, اتى­راۋ, ۇلىتاۋ جانە اقتوبە وب­لىس­تارىندا ەر ادامنىڭ تۇيىن­دەمەلەرى كوپ بولسا, قىزمەت كور­سەتۋ سالاسى باسىم شىمكەنت, استانا قالالارى, سونداي-اق اباي جانە الماتى وبلىستارىن­دا ايەلدەردىڭ باسىمدىلىعى تىركەلگەن. تۇيىندەمەلەردىڭ ۇش­تەن بىرىنە جۋىعى 16 جاستان 28 جاس­قا دەيىنگى جاستارعا 10,8 مىڭ تۇيىندەمە, 15,5 مىڭ تۇيىندەمە – ورتا جاستاعى ىزدەنۋشىلەرگە تيەسىلى بولدى. بارلىق تۇيىن­دەمەنىڭ تەك 9%-ى زەينەت جاسىنا دەيىنگى ادامدار بولعان. ەلەكتروندى ەڭبەك بيرجاسىنىڭ مالىمەتتەرىنە سايكەس, جەلتوقسان ايىندا ەڭ كوپ جالاقىنى باس ديرەكتورلارعا – 2,8 ملن تەڭگە, تاۋار جيناقتاۋشىلارى – 2,4 ملن تەڭگە, تەرەزە مونتاج جاساۋشىلار 1,8 ملن تەڭگە كۇتكەن, ال جۇمىس بەرۋشىلەر تاراپىنان جوعارى جالاقى ونەركاسىپ سالاسىنداعى تسەح باستىقتارىنا – 832 مىڭ تەڭگە, باس تەحنولوگتەرگە – 700 مىڭ تەڭگە, تەحنيكالىق سالا باسشىلارىنا 650 مىڭ تەڭگە جانە ونەركاسىپتىك الپينيستەرگە 650 مىڭ تەڭگە ۇسىنىلدى.

وسىلايشا, جەلتوقسان ايى ايتارلىقتاي تومەن ۇسىنىسپەن كادرلارعا دەگەن قاجەتتىلىكتىڭ ارتۋىمەن ەرەكشەلەنگەن. بۇل رەتتە, جىل سوڭى ادەتتە كەلەسى جىلدىڭ باسىندا بىرتىندەپ قالپىنا كەلەتىن ىسكەرلىك بەلسەندىلىكتىڭ تومەندەۋىمەن سيپاتتالاتىنىن دا ەسكەرگەن ءجون.