قازاقستان تەننيسشىسى جاسىل قۇرلىقتا ءوتىپ جاتقان «ۇلكەن دۋلىعا» ساناتىنداعى العاشقى جارىستىڭ باستاپقى كەزدەسۋىن الەمنىڭ 42-راكەتكاسى رۋمىنيالىق سورانا كىرستيامەن وتكىزدى. ءبىرىنشى پارتيانى رۋمىنيالىق سپورتشى ءساتتى باستاپ, 6:2 ەسەبىمەن باسىم ءتۇستى. دەگەنمەن يۋليا كەيىنگى ەكى پارتيادا تارازى باسىن تەڭەستىرىپ قانا قويماي, قارسىلاسىن جارىس جولىنان ىعىستىرا ءبىلدى – 6:4, 6:3.
ەكى ساعاتقا جۋىق سوزىلعان ماتچتا پۋتينتسەۆا 3 ەيسپەن بىرگە بەس برەيك-پوينتتى تۇگەل پايدالانا ءبىلدى. جەرلەسىمىز بۇگىن ءتۋرنيردىڭ ءۇشىنشى اينالىمىنا شىعۋ ءۇشىن الەمنىڭ 31-راكەتكاسى چەحيالىق كارولينا پليشكوۆامەن شەبەرلىك بايقاسادى. كارولينا العاشقى اينالىمدا قىتاي تەننيسشىسى سيۋ ۆاندى ەكى سەتتە – 6:1, 6:3 ەسەبىمەن جەڭگەن بولاتىن.
