اتالعان سەرۆيس مەملەكەت مەنشىگىنە قايتارىلعان جەر ۋچاسكەلەرىنە مونيتورينگ جۇرگىزۋگە, ونىڭ قايدا ورنالاسقانىن, كونتۋرىن انىقتاۋعا, سونداي-اق اۋدانى مەن مەنشىك يەسى نەمەسە جەر پايدالانۋشىسى تۋرالى مالىمەتتەر الۋعا مۇمكىندىك بەرەدى.
ينتەراكتيۆتى كارتانى اۋىل شارۋاشىلىعى مينيسترلىگى مەن تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى ازىرلەدى.
پرەزيدەنت قاسىم-جومارت توقاەۆتىڭ تاپسىرماسىنا سايكەس, ەلىمىزدە پايدالانىلماي جاتقان جانە زاڭسىز بولىنگەن اۋىل شارۋاشىلىعى ماقساتىنداعى جەرلەردى مەملەكەت مەنشىگىنە قايتارۋ جۇمىسى جۇرگىزىلىپ جاتىر.
وسى جۇمىستىڭ جۇيەلى ىسكە اسىرىلۋىنا قوعامدىق باقىلاۋ جۇرگىزۋ ماقساتىندا «AMANAT» پارتياسى جانىنان رەسپۋبليكالىق جانە وڭىرلىك «جەر اماناتى» كوميسسيالارى قۇرىلدى.
بۇگىندە پايدالانىلماي جاتقان 5,2 ملن گەكتار جەر مەملەكەت مەنشىگىنە قايتارىلدى. ونىڭ 3 ملن گەكتاردان استامى «جەر اماناتى» كوميسسياسىنىڭ ارالاسۋىمەن قايتارىلدى.
وتكەن جىلدىڭ جەلتوقسان ايىندا پارتيالىقتار ءاربىر اۋىلدىق ەلدى مەكەندەگى جايىلىم تاپشىلىعىن جانە مەملەكەت مەنشىگىنە قايتارىلعان جەر ۋچاسكەلەرىنىڭ تىزبەسىن كورسەتەتىن ينتەراكتيۆتى كارتا ازىرلەۋدى ۇسىندى.
كوميسسيانىڭ «جەدەل جەلىسىنە» تۇرعىندار تاراپىنان 2,5 مىڭنان استام ءوتىنىش كەلىپ ءتۇستى. ونىڭ بارلىعى جەرگىلىكتى اكىمدىكتەرمەن جانە بەيىندى مينيسترلىكپەن بىرلەسىپ مۇقيات قارالدى.
