سپيكەردىڭ ايتۋىنشا, ەلىمىزدىڭ باتىس وڭىرىندە «اقتوبە – قاندىاعاش – ماقات» جول ۋچاسكەسىن جوندەۋ جۇمىستارى جالعاسىپ جاتىر. ماسەلەن, «قاندىاعاش – ماقات» ۋچاسكەسىندە نەگىزگى جۇمىستار اياقتالىپ, بيىل اتالعان باعىتتا جول قوزعالىسى اشىلادى دەپ جوسپارلانعان. سونداي-اق ۇزىندىعى 96 شاقىرىم بولاتىن «اقتوبە – قاندىاعاش» ۋچاسكەسى بويىنشا دا جىل سوڭىنا دەيىن جول ءجۇرىسى اشىلادى.
«اتىراۋ – استراحان» ۋچاسكەسى جايلى ايتاتىن بولساق, ونىڭ 277 شاقىرىمىنىڭ 140 شاقىرىندا كولىك قوزعالىسى قامتاماسىز ەتىلگەن.
ايتا كەتسەك, باتىس قازاقستان وبلىسىندا 248 شاقىرىمداي جولعا كۇردەلى جوندەۋ جۇرگىزىلىپ, ونىڭ 129 شاقىرىمىندا جول ءجۇرىسى قامتاماسىز ەتىلدى.
«قازىر ءتيىستى جۇمىستاردى ۋاقتىلى اياقتاۋ ءۇشىن قاجەتتى ماتەريالدار دايىندالىپ جاتىر. اقپان ايىنان باستاپ ينەرتتى ماتەريالداردى تاسىمالداۋعا ارنالعان ۆاگوندار پاركىن ۇلعايتۋدى جوسپارلاپ وتىرمىز», دەدى ۆيتسە-مينيستر.
يدم باسشىسىنىڭ ورىنباسارى وتكەن جىلى اۆتوجول جوبالارىنىڭ ساپاسىن ارتتىرۋ ماقساتىندا زاڭنامالىق دەڭگەيدە بىرقاتار تۇزەتۋ قابىلدانعانىن ەسكە سالدى. ماسەلەن, كەپىلدىك مەرزىمى كەزەڭىندە اۆتورلىق قاداعالاۋ مەن تەحنيكالىق باقىلاۋدىڭ جاۋاپكەرشىلىگى ورتاق بولادى.
