ءماجىلىس دەپۋتاتتارى قازاقستان مەن وزبەكستان اراسىنداعى باس بوستاندىعىنان ايىرىلعان ادامداردىڭ جازاسىن ودان ءارى وتەۋ ءۇشىن ءبىر بىرىنە ەكستراديتسيالاۋ تۋرالى كەلىسىمدى ماقۇلدادى، دەپ حابارلايدى Egemen.kz.
ءماجىلىستىڭ جالپى وتىرىسىندا باس پروكۋروردىڭ ورىنباسارى اسەت شىنداليەۆ اتاپ وتكەندەي، قازاقستان مەن وزبەكستان اراسىنداعى سوتتالعانداردى ءبىر-بىرىنە بەرۋ تۋرالى كەلىسىم ەلىمىزدىڭ كونستيتۋتسياسىندا بەلگىلەنگەن تالاپتاردى جۇزەگە اسىرۋعا باعىتتالعان.
«ەگەر ەكى ەلدىڭ كەلىسىمشارتى بولماسا، وندا قازاقستان ازاماتىن شەت مەملەكەتكە بەرۋگە بولمايدى دەپ جازىلعان. سونىمەن قاتار، رەسپۋبليكا ءوز ازاماتتارىن ءوز شەكاراسىنان تىس جەردە قورعاۋعا جانە قامقورلىققا الۋعا كەپىلدىك بەرەدى. وسىعان ۇقساس نورما وزبەكستان كونستيتۋتسياسىندا دا بار»، دەدى اسەت شىنداليەۆ.
ونىڭ ايتۋىنشا، بۇل قۇجاتقا قول قويۋ بويىنشا قازاقستان مەن وزبەكستان اراسىندا بىرنەشە جىل بويى كەلىسسوزدەر جۇرگىزىلگەن.
«ادام قۇقىعى تۋرالى كەلىسىم نە بەرەدى؟ جالپى، مۇنداي جاعدايلاردىڭ الەۋمەتتىك ماڭىزى زور. ەڭ الدىمەن ادامگەرشىلىك سيپاتتا بولادى. كوپ جاعدايدا وزگە ەلدە جازاسىن وتەپ جاتقاندار جەرگىلىكتى حالىقتىڭ ءتىلىن، ادەت-عۇرپىن بىلمەيدى. تۋعان-تۋىس، دوستاردان الشاق جۇرگەندىكتەن، مۇنداي ادامدى قوعامعا بەيىمدەۋ وڭاي ەمەس ەكەنى بەلگىلى. سوتتالعان ادامعا تۋىستارىمەن كەزدەسۋ جاقسى اسەر ەتەتىنى ءسوزسىز»، دەپ ءتۇسىندىردى اسەت شىنداليەۆ.
كەلىسىمشارتتىڭ شارتتارىنا كەلسەك، سوتتالعان ادامدى ەلگە جەتكىزۋ ءۇشىن ەڭ الدىمەن ونىڭ كەلىسىمى قاجەت. ادام ءوز ەلىندە جازاسىن وتەۋ نيەتى تۋرالى ءوتىنىش بەرۋى كەرەك.
«ماسەلەن، قازىردىڭ وزىندە بىزدە وزبەكستاننىڭ 225 سوتتالعان ازاماتى ءوز ەلىندە جازاسىن وتەۋگە نيەت ءبىلدىردى. ول ءۇشىن ءبىز سوتتالعاندار اراسىندا ارنايى ساۋالناما جۇرگىزدىك. ال وزبەكستاندا سوتتالعان 20 قازاقستان ازاماتى بار، ولار دا جازاسىن ءوز ەلىندە وتەۋگە قارسىلىعى جوق دەپ ويلايمىز»، دەپ قوستى سپيكەر.
سوتتالعانداردى ەكستراديتسيالاۋ تالاپتارىنا توقتالساق، ءبىرىنشى كەزەكتە سوتتالعان ادامنىڭ ازاماتتىعى بولۋى كەرەك. ەكى ەل دە ترانسفەرگە كەلىسۋى كەرەك. ەگەر بۇل ەلدىڭ ەگەمەندىگى مەن قاۋىپسىزدىگىنە نۇقسان كەلتىرەتىن بولسا، ۇلتتىق زاڭناماعا قايشى كەلسە جانە وعان قاتىستى سوت نەمەسە تەرگەۋ ءجۇرىپ جاتقان كەزدە ونىڭ قارجىلىق قارىزدارى بولسا، سوتتالۋشى ەكستراديتسيالانۋعا جاتپايدى.
الەمدە تابىسى ميلليون دوللاردان اساتىن بايلاردىڭ سانى ازايدى
الەم • بۇگىن، 18:13
مۇناي ەكسپورتىنىڭ 80 پايىزى كاسپي قۇبىر كونسورتسيۋمى ارقىلى جۇزەگە اسىرىلادى
ەكسپورت • بۇگىن، 17:55
ەو ەلدەرىمەن وڭىرلىك ساۋدا كولەمى 49 ملرد دوللارعا جەتتى
ەكونوميكا • بۇگىن، 17:40
قازاقستاندا ەۋروپالىق كاپيتال قۇيىلعان 3 مىڭنان استام كومپانيا جۇمىس ىستەيدى
ساياسات • بۇگىن، 17:32
پرەزيدەنت كولىك-لوگيستيكالىق ينفراقۇرىلىمدى دامىتۋدىڭ ماڭىزىنا توقتالدى
پرەزيدەنت • بۇگىن، 17:17
ۇقساس جاڭالىقتار
ونلاين 
