17 قاڭتاردا 102 جەدەل ارناسىنا 39 جاستاعى جەرگىلىكتى تۇرعىننىڭ 13 جاسار ۇلىن ىزدەۋگە كومەك سۇراعان قوڭىراۋى كەلىپ تۇسكەن. ونىڭ ايتۋىنشا, بالا ۇيدەن ساعات 07:40-تا شىعىپ, مەكتەپكە قاراي باعىت العان. دابىل سيگنالى بويىنشا اباي وبلىسى پوليتسيا دەپارتامەنتىنىڭ قۇرىلىمدىق بولىمشەلەرىنىڭ بارلىق جەكە قۇرامى ىزدەۋگە كىرىسكەن.
ءتارتىپ ساقشىلارى مەكتەپ وقۋشىسىنىڭ تانىستارى مەن كۋاگەرلەرىنەن جاۋاپ الىپ, ىرگەلەس اۋماقتاردى مۇقيات زەرتتەدى. ءار اۋماققا ءبولىنىپ, ءار اۋلاعا ءتىنتۋ جۇمىستارى جۇرگىزىلدى.
ىزدەۋ بارىسىندا پوليتسيا قىزمەتكەرى ميچۋرين كوشەسىندە جوعالىپ كەتكەن كامەلەتكە تولماعان بالانى تاۋىپ, اناسىنا تاپسىردى.
