كەيىنگى ءۇش ماتچتاعى ساتسىزدىكتەن كەيىن اندرەي سكابەلكا بۇل جولى «بارىستىڭ» نەگىزگى قۇرامىنا ازداعان وزگەرىس ەنگىزىپ, جەڭىسكە جەتۋدىڭ كىلتىن ىزدەپ كورگەن ەدى. الايدا ونىسىنان تۇك شىققان جوق. ەلورداداعى كەزدەسۋدىڭ العاشقى بولىگىن جەرلەستەرىمىز ءساتتى وتكىزدى. ءبىرىنشى كەزەڭنىڭ التىنشى مينۋتىندا انتون ساگادەەۆ الىستان ءدال سوققى جاساپ, ماتچتىڭ ەسەبىن اشقان بولاتىن. الايدا ۇزىلىسكە ساناۋلى مينۋتتار قالعاندا قوناقتار تارازى باسىن تەڭەستىرىپ كەتتى. گولدىڭ اۆتورى – دەنيس گولۋبەۆ.
ەكىنشى كەزەڭدە «بارىس» ويىنشىلارى باسىمدىق تانىتقانىمەن, تابلوداعى ەسەپتى وزگەرتە المادى. ال ءۇشىنشى كەزەڭدە «سيبير» ويىنشىلارى مىقتىلىق تانىتتى. 42-مينۋتتا الەكساندر شاروۆ مەرگەندىك تانىتىپ, ويىننىڭ نۇكتەسىن قويدى – 2:1. وسىلايشا, «بارىس» قاتارىنان ءتورتىنشى ماتچتا جەڭىلدى. جەرلەستەرىمىز كەلەسى كەزدەسۋىن ەرتەڭ چەليابىدە جەرگىلىكتى «تراكتورمەن» وتكىزەدى.
