ا.نۇپباي مەن ا.ارىستانبەكوۆا 18 جاسقا دەيىنگى تەننيسشىلەر اراسىندا ەلىمىزدەگى ەڭ تابىستى جۇپ سانالادى. ولار دەليدەگى ءتۋرنيردىڭ فينالىندا تايلاند تەننيسشىلەرىن ەكى سەتتە 6:3, 6:2 ەسەبىمەن تىزە بۇكتىرىپ, جارىستىڭ باس جۇلدەسىن جەڭىپ الدى. وتكەن جىلى قازاقستاندىق جۇپ ITF Juniors سەرياسىندا جەتى تۋرنيردە ۇزدىك شىققان بولاتىن. بۇل – ايا مەن اسىلجاننىڭ بىرلەسە جەڭگەن بيىلعى ءبىرىنشى, جالپى 10-تيتۋلى.
«جىل باسىندا جەڭىسكە جەتكەن ماڭىزدى. قازىرگى دەڭگەيىمە ريزامىن, بۇدان كەيىن دە بابىمدا بولامىن دەپ ويلايمىن. اسىلجانعا راحمەت, دودادا قيىن ماتچتار بولدى. ءبىز سودان ساتىمەن شىعا بىلدىك», دەدى ا.نۇپباي.
«بۇل – ايا ەكەۋمىزدىڭ ونىنشى تيتۋلىمىز. جاڭا ماۋسىم باسىنداعى تابىس تىڭ جەتىستىكتەرگە جەتەلەيدى, كۇش بەرەدى. فەدەراتسيا مەن Team Kazakhstan اكادەمياسىنىڭ بارلىق باپكەرىنە العىس ايتامىز», دەدى ا.ارىستانبەكوۆا.
