سوتتا 18404 اسكەري ءبولىمى كومانديرىنىڭ ورىنباسارى اركادي بۋرميچ كۋاگەر رەتىندە سويلەدى.
ايىپتاۋشى تاراپ 2022 جىلدىڭ 5 قاڭتارىندا بولعان جاعدايعا بايلانىستى اسكەريلەردىڭ وقيعا كەزىندە قاي جەردە بولعاندارىن جانە تارتىپسىزدىك كەزىندە نە ىستەگەندەرىن سۇرادى.
اركادي ءبۋرميچتىڭ ايتۋىنشا, وقيعا كەزىندە 200-گە جۋىق اسكەري قىزمەتكەر الماتى وبلىستىق پوليتسيا دەپارتامەنتى مەن تالدىقورعان پوليتسيا باسقارماسىنىڭ اۋماقتارى مەن عيماراتتارىن كۇزەتۋگە جىبەرىلگەن.
كۋاگەر بۇرىنعى وبلىستىق پوليتسيا باستىعى كۇدەباەۆتىڭ ارەكەتسىزدىگىنە قاتىستى ناقتى پىكىر بىلدىرە ايتا المادى.
ەسكە سالايىق, 2022 جىلدىڭ 13 مامىرىندا سەرىك كۇدەباەۆتىڭ قاڭتار وقيعاسى بويىنشا كۇدىكتى دەپ تانىلعانى بەلگىلى بولدى.
ايتولعان ءجۇنىسحان,
ل.ن.گۋميلەۆ اتىنداعى ەۇۋ ستۋدەنتى
