بەلگىلى بولعانداي, ەلەنا باندۋرو سوڭعى بىرنەشە اي بويى قازاقستاندا تۇرىپ, قاشىقتان جۇمىس ىستەگەن. كەيدە جۇمىس بابىمەن شەت ەلدەرگە شىعىپ تۇرعان.
اپاتقا دەيىن ەلەنا تۋىستارىنا ءوزىنىڭ جۇكتى ەكەنىن حابارلاپ, نەپالعا جۇبايى ماكسيممەن كەزدەسۋ ءۇشىن اتتانعان ەكەن. ال ۇشاققا وتىرماي تۇرىپ الەۋمەتتىك جەلىدە سوڭعى سۋرەتىن جاريالاعان-دى.
«كومسومولسكايا پراۆدا» گازەتىنىڭ مالىمەتىنشە, 33 جاستاعى رەسەي ازاماتى ەلەنا باندۋرو ترەۆەل-بلوگەر جانە SMM مامانى بولعان.
ەستەرىڭىزگە سالا كەتەيىك, 15 قاڭتاردا Yeti Airlines اۋەكومپانياسىنىڭ ATR 72 جولاۋشىلار ۇشاعى اپاتقا ۇشىراعان ەدى. ۇشاق كاتماندۋدان پوكحارا قالاسىنا ۇشىپ بارا جاتقان. الايدا قونار ساتتە ءورت شىعىپ, ۇشاق وزەن ماڭىنا قۇلاعان.
گۇلشاحرا سانسىزباي
