جامبىل وبلىسى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل جونىندەگى قىزمەتكەرلەرى جەدەل-ىزدەستىرۋ شارالارى بارىسىندا تولە بي اۋىلىندا بوس قالعان عيماراتتىڭ ىشىنەن قارۋ-جاراق تاۋىپ الدى.
پوليتسەيلەر جاسىرىلعان جەردەن جارتىلاي اۆتوماتتى تەگىس ۇڭعىلى Mossberg مىلتىعىن, ەكى تەگىس ۇڭعىلى يج-16 مىلتىعىن, ەكى ۇڭعىلى توز-16 ەكى شولاق مىلتىقتى, ءتورت ۇڭعىلى پب-4 وسا تاپانشاسىن, رەۆولۆەر Reg agent گاز تاپانشاسىن, پم تاپانشاسىن, جارىق دىبىستىق گراناتالار مەن وق-دارىلەردى الىپ شىقتى. تابىلعان پم تاپانشاسى قاڭتار وقيعالارى كەزىندە پوليتسيا دەپارتامەنتىنىڭ قويماسىنان ۇرلانعان.
ءىىم ەسىرتكى قىلمىسىنا قارسى ءىس-قيمىل دەپارتامەنتى باستىعىنىڭ ورىنباسارى باقىتجان ءامىرحانوۆتىڭ اقپاراتىنا سۇيەنسەك, جىل باسىنان بەرى ەسىرتكىگە قارسى كۇرەس بارىسىندا وسىنداي ءتورت قارۋ-جاراق ورنى تابىلعان.
