2 قىركۇيەك كۇنى 43 جاستاعى تراكتورشى جىلجىمالى ۆاگوندى ورمان اراسىنا اپارادى. تەحنيكاسىندا اقاۋ بار ەكەنىن بىلە تۇرا, قايتاردا ۆاگوندى اۋىلعا اكەلمەك بولعان. قايتار جولدا تراكتور مۇرجاسىنان ۇشقىن اتىپ, وت تۇتانادى. سول كۇنى اۋا تەمپەراتۋراسى 38 گرادۋسقا كوتەرىلىپ, قاتتى جەل سوعىپ تۇرعان. جالپى ورمان ورتىنە قاتىستى بىرنەشە قىلمىستىق ءىس قوزعالعان. سونىڭ ىشىندە سوتقا جەتىپ ۇكىم شىققان ازىرگە وسى تراكتورشىنىڭ ءىسى عانا.
«قر قك 58-بابىنىڭ 2-تارماعى بويىنشا ازاماتقا ءبىر جىل باس بوستاندىعىنان ايىرۋ جازاسى كەسىلدى. 63-باپقا سايكەس تاعايىندالعان جازا شارتتى تۇردە دەپ قابىلداندى. ءىس بويىنشا ازاماتتىق تالاپ قويىلعان جوق. سوت ۇكىمى زاڭدى كۇشىنە ەندى», دەدى وبلىستىق سوت ءباسپاسوز قىزمەتىنىڭ مامانى ءلاززات بايعوجينا.
