كوڭىلگە مەدەۋ تۇستارى, حايۋاناتتار باعى جانۋارلاردى ۇستاپ كورۋگە بولاتىن مەكەمەلەرگە دەگەن سۇرانىستىڭ قۇلدىراۋىنان ازايىپ كەلەدى. ياعني 2016 جىلى وسىنداي 3 مەكەمە اشىلسا, 2017 جىلى ونىڭ سانى رەسمي تۇردە 14-كە جەتكەن, بىراق 2021 جىلى 6 مەكەمە عانا قالدى.
«جانۋارلارعا جاۋاپكەرشىلىكپەن قاراۋ تۋرالى» زاڭدا بەلگىلەنگەن جىلجىمالى جانۋارلار ۇيلەرىن, حايۋاناتتار باعىن, جىلجىمالى اكۆاريۋمدار مەن جىلجىمالى جانۋارلار كورمەلەرىن قۇرۋعا ءارى جۇرگىزۋگە تىيىم سالۋ تەك 2025 جىلى كۇشىنە ەنەدى. ال كادىمگى حايۋاناتتار باعىنىڭ سانى 2016 جىلى 5-تەن 2018 جىلى 7-گە دەيىن ءوستى, سودان بەرى مەكەمە سانى وزگەرگەن جوق. قازاقستانداعى حايۋاناتتار باعىنىڭ جالپى اۋماعى 2021 جىلى 100,5 گەكتارعا جەتتى, ونىڭ ىشىندە 63,4 مىڭ شارشى مەتر جانۋارلار, قۇستار مەن بالىقتارعا ارنالعان ءۇي-جايلاردىڭ اۋماعىن قۇرادى. ەلىمىزدىڭ حايۋاناتتار باعىندا تۇراتىن جانۋارلار سانى 2022 جىلعا قاراي جىلىنا 29%-عا, 12 مىڭعا دەيىن قىسقاردى, ونىڭ باسىم بولىگى وڭتۇستىك استاناعا تيەسىلى: 3,8 مىڭ دانا, ءبىر جىلدا 55,3%-عا قىسقاردى. ەكىنشى ورىندا استانا ورنالاسقان (دەرەكتەر اقمولا وبلىسىمەن بىرگە كەلتىرىلگەن): ەلوردا مەن وبلىستىڭ حايۋاناتتار باعىندا 3,2 مىڭ جانۋار, قۇستار مەن بالىقتار ءومىر سۇرگەن. ياعني ءبىر جىل بۇرىنعىعا قاراعاندا 6,7%-عا ازايعان.
ۇشتىكتى شىمكەنت قالاسى تۇيىندەيدى: شاھاردىڭ حايۋاناتتار باعىندا 2,6 مىڭ جانۋار ءومىر سۇرەدى. بۇل وتكەن جىلمەن سالىستىرعاندا 0,7%-عا كوپ. قازاقستاندىق حايۋاناتتار باعىندا ەڭ كوپ كەزدەسەتىنى – بالىق. 2021 جىل ونىڭ سانى 7,1 مىڭعا جەتكەن. سونداي-اق حايۋاناتتار باعىندا 1,9 مىڭ سۇتقورەكتىلەر مەن قۇستار, 744 ومىرتقاسىزدار, 341 باۋىرىمەن جورعالاۋشىلار مەن 54 قوسمەكەندىلەر بار.
«ەگەمەن-اقپارات»
