قازاقستاندا تىركەۋدەن شىعارىلعان وق-دارىمەن اتىلاتىن قارۋ جانە وق-ءدارى قىلمىستىق سحەما بويىنشا جويىلدى دەگەن جالعان ەسەپپەن كەيىن ساتىلىمعا قايتا شىعارىلىپ وتىرعان.
ۇلتتىق قاۋىپسىزدىك كوميتەتى ءىىم وزىندىك قاۋىپسىزدىك دەپارتامەنتىمەن بىرگە ەكى كەزەڭنەن تۇراتىن وپەراتسيا بارىسىندا الماتى قالاسى جانە الماتى, پاۆلودار, سولتۇستىك قازاقستان مەن قاراعاندى وبلىستارىندا قارۋدى قايتا اينالىمعا شىعارۋ ارناسىنىڭ جولىن كەستى.
«قۇرىقتاۋ جانە ءتىنتۋ بارىسىندا 347 بىرلىك قارۋ, 13 گراناتا جانە 7 387 وق-ءدارى تاركىلەندى. پوليتسيانىڭ بۇرىنعى قىزمەتكەرى ۇيىمداستىرعان قارۋدى موديفيكاتسيالاۋ تسەحىنىڭ كوزى جويىلدى. جەدەل زەردەلەۋدى جالعاستىرۋ ارقىلى ۇلتتىق قاۋىپسىزدىك كوميتەتى قىلمىس الەمىنە, بۇزعىش ءدىني اعىمدارعا قاتىستى جانە بۇرىنعى پوليتسەيلەردەن تۇراتىن قارۋدى ساتىپ الۋشىلاردىڭ تولىق بازاسىن انىقتادى. الماتى قالاسى المالى اۋداندىق سوتىنىڭ شەشىمىمەن كىنالى ادامدار 2-دەن 5 جىلعا دەيىنگى باس بوستاندىعىنان ايىرۋ مەرزىمدەرىنە سوتتالدى. قىزمەتتىك مىندەتتەرىنە سالعىرت قاراعاندارى جانە جەكە قۇرامدى باقىلاۋدى السىرەتكەندەرى ءۇشىن قۇقىق قورعاۋ ورگاندارىنىڭ بىرقاتار باسشىسى تەرىس نەگىز بويىنشا قىزمەتتەن شىعارىلدى», دەلىنگەن كوميتەت حابارلاماسىندا.
