بالانىڭ اناسى ونى اجەسىمەن بىرگە قالدىرىپ, دۇكەنگە كەتكەنىن, ال قايتىپ ورالعاندا ونى ۇيىنەن تاپپاعانىن ايتتى. وسى دەرەككە قاتىستى قر قك-ءنىڭ 125-بابى 2-بولىگى 5-تارماعىمەن (ادام ۇرلاۋ) سوتقا دەيىنگى تەرگەۋ iسi باستالدى. جامبىل وبلىسى پوليتسيا دەپارتامەنتىنىڭ باسشىلىعى جەدەل تۇردە ىزدەستىرۋ ءىس-شارالارىن جۇرگىزۋگە قاراتاۋ قالاسىنا بارعان.
«حابارلاما تۇسكەن ساتتەن ءبىز بالانى ىزدەۋگە كiرiستiك. Iزدەستiرۋ شارالارىنا 80 پوليتسيا قىزمەتكەرى, 50-دەن استام ەرىكتىلەر جانە اۋداننىڭ قامقور تۇرعىندارى جۇمىلدىرىلدى. ءبىز قالانىڭ ءار بۇرىشىن ارالاپ, بارلىق جەرتولەلەر مەن ۇيلەردىڭ شاتىرلارىن قارادىق. ەڭ باستى تiلەگiمiز بالانى ءتىرى جانە ساۋ تابۋ بولدى», دەدى تالاس اپب جپقب كامەلەتكە تولماعاندار جونىندەگى ۋچاسكەلىك ينسپەكتورى پوليتسيا كاپيتانى جانعالي كوپجاساروۆ.
جەدەل-ىزدەستىرۋ ءىس-شارالارىنىڭ ناتيجەسىندە بالا مەشىتتە تابىلىپ, تالاس اۋدانىنىڭ ورتالىق اۋداندىق اۋرۋحاناسىنا جەتكىزىلدى. مەديتسينالىق تەكسەرۋ بارىسىندا بالادان ەشقانداي جاراقات بەلگىلەرى انىقتالعان جوق. پوليتسيا قىزمەتكەرلەرىمەن انىقتاۋ جۇمىستارى بارىسىندا اناسى بولماعان كەزدە تانىس اجەلەر پاتەرگە كەلىپ, الكوگول ىشكەنi بەلگىلى بولدى. بالانىڭ قاتتى جىلاعانىن ەستىگەن پاتەر قوناقتارىنىڭ ءبىرى قاتتى ماس كۇيىندە ونى كورپەگە وراپ, جاقىن ماڭداعى مەشىتكە اپارعان.
قازىرگى ۋاقىتتا بولعان وقيعانىڭ ءمان-جايىن انىقتاۋ ءۇشىن قاجەتتى تەرگەۋ امالدارى ءجۇرىپ جاتىر.
