فوتو: فوتو Polisia.kz
رەيد بارىسىندا پوليتسيا قىزمەتكەرلەرى كوڭىل كوتەرۋ مەكەمەسىنىڭ ىشىندە اتا-اناسىز جۇرگەن ءجاسوسپىرىمدى تاپقان. زاڭ بويىنشا تۇنگى ۋاقىتتا كامەلەتكە تولماعان بالالار اتا-اناسىنىڭ نەمەسە زاڭدى وكىلدەرىنىڭ باقىلاۋىندا بولۋى ءتيىس.
تەكسەرۋ قورىتىندىسى بويىنشا كلۋب يەسىنە قاتىستى اكىمشىلىك ءىس قوزعالدى. ۋاكىلەتتى ورگان مەكەمە جۇمىسىن ءۇش ايعا توقتاتۋ تۋرالى شەشىم قابىلدادى. سونىمەن قاتار كلۋب 129 750 تەڭگە كولەمىندە ايىپپۇل تولەۋگە مىندەتتەلدى.
جەتىسۋ اۋداندىق پوليتسيا باسقارماسىنىڭ باسشىسى ءىلياس ومىرسەرىكوۆ مۇنداي جاعدايلارعا جول بەرۋگە بولمايتىنىن ايتتى. ونىڭ سوزىنشە, ويىن-ساۋىق ورىندارىنىڭ يەلەرى كامەلەتكە تولماعانداردىڭ قاۋىپسىزدىگى مەن قۇقىقتارىن قورعاۋ تالاپتارىن قاتاڭ ساقتاۋى قاجەت.
پوليتسيا الداعى ۋاقىتتا دا مۇنداي رەيدتەر تۇراقتى تۇردە جالعاساتىنىن مالىمدەدى. بۇعان دەيىن الماتى پوليتسياسى گاندي ساياباعىندا وتشاشۋ اتقانداردى ىزدەپ جاتقانىن جازعان بولاتىنبىز. كۋاگەرلەردىڭ ايتۋىنشا, پيروتەحنيكا سالىنعان قوراپ اۋدارىلىپ قالىپ, سناريادتار جان-جاققا, سونىڭ ىشىندە ادامدارعا قاراي ۇشقان.
