فوتو: تيمۋر بالىمبەتوۆ
ميحايل شايدوروۆقا قاتىستى ايتار بولساق, 2026 جىلدىڭ قاڭتار جانە اقپان ايلارىنداعى جالاقىسى بۇرىن جاسالعان كەلىسىمشارت نەگىزىندە تولىق تولەندى.
2026 جىلدىڭ ناۋرىز ايىنان باستاپ سپورتشىنىڭ ميلاندا وتكەن وليمپيا ويىندارىندا التىن مەدال جەڭىپ العانى ەسكەرىلىپ, جاڭا كەلىسىمشارت جاساۋ جوسپارلانعان بولاتىن. جاڭا كەلىسىمشارتتا كەلەسى وليمپيادالىق تسيكل اياسىنداعى دايىندىق پەن قارجىلاندىرۋدىڭ جاڭارتىلعان شارتتارى قاراستىرىلعان. قازىرگى ۋاقىتتا كەلىسىمشارت تالاپتارى تاراپتار اراسىندا تالقىلانىپ جاتىر.
ميحايل شايدوروۆتان جەڭىلگەن يليا مالينين سپورتتان ءۇزىلىس الاتىن بولدى
مۇنداي تاجىريبە جاڭا وليمپيادالىق تسيكلگە دايىندىق جۇيەسىنە كىرەتىن بارلىق سپورتشىعا قولدانىلادى جانە ۇزاق مەرزىمدى مەملەكەتتىك قارجىلاندىرۋدىڭ قالىپتى ءتارتىبى سانالادى.
سونىمەن قاتار مەملەكەت سپورتشىنى وليمپيادالىق جەتىستىگى ءۇشىن ىنتالاندىرۋعا قاتىستى ءوز مىندەتتەمەلەرىن تولىق ورىندايدى دەپ اتاپ وتەمىز.
ميحايل شايدوروۆ حالىقارالىق سىيلىققا ۇمىتكەرلەر تىزىمىنە ەندى
وليمپيا ويىندارىنىڭ التىن مەدالىن جەڭىپ العانى ءۇشىن ميحايل شايدوروۆقا 250 مىڭ اقش دوللارى كولەمىندە سىياقى تولەۋ, الماتى قالاسىنان ءۇش بولمەلى پاتەر بەرۋ, سونداي-اق قازاقستان رەسپۋبليكاسىنىڭ قولدانىستاعى زاڭناماسىنا سايكەس ءومىر بويعى اي سايىنعى مەملەكەتتىك تولەم تاعايىنداۋ قاراستىرىلعان.
