فوتو: نازارباەۆ ۋنيۆەرسيتەتى
بۇل – قازاقستاندا رەسمي تۇردە تىركەلگەن العاشقى مەديتسينالىق ەكزوسكەلەت. قۇرىلعى تومەنگى اياق-قول قوزعالىسىن قالپىنا كەلتىرۋگە كومەكتەسەدى جانە جاساندى ينتەللەكت ارقىلى پاتسيەنتتىڭ جاعدايىنا قاراي جۇكتەمەنى اۆتوماتتى تۇردە رەتتەيدى.
جۇيە بەگوۆايا دوروجكا, ىلگىش جۇيە جانە سەنسورلارمەن جابدىقتالعان روبوتتىق كاركاستان تۇرادى. مامانداردىڭ ايتۋىنشا, تەحنولوگيا رەابيليتاتسيالىق جانە تراۆماتولوگيالىق ورتالىقتاردا ناقتى كلينيكالىق جاعدايدا قولدانىلاتىن بولادى.
جوبانى ازىرلەۋشىلەردىڭ ءبىرى, روبوتوتەحنيكا كافەدراسىنىڭ اسسيستەنت-پروفەسسورى ايبەك نيەتكاليەۆتىڭ ايتۋىنشا, ەكزوسكەلەت قولدانىستاعى شەتەلدىك انالوگتارعا قاراعاندا شامامەن ءۇش ەسە ارزان بولۋى مۇمكىن.
ەسكە سالايىق, قازاقستاندا ءينسۋلتتىڭ الدىن الۋ جانە ەمدەۋ جۇيەسىن جەتىلدىرۋ باعىتىنداعى جۇمىستار ناتيجەسىندە ينسۋلتتان بولاتىن ءولىم-ءجىتىم 4 پايىزعا تومەندەگەنىن جازعان بولاتىنبىز.
سونداي-اق قازاقستاندا ءينسۋلتتى ەرتە دياگنوستيكالاۋعا ارنالعان جاساندى ينتەللەكت جۇيەسى بىرقاتار وڭىردە ءولىم-ءجىتىم كورسەتكىشىن 40%-عا ازايتۋعا سەپتىگىن تيگىزگەنى حابارلاندى.
