تالعات جايلاۋوۆ جاتتىقتىراتىن كوماندا توپتاعى سوڭعى ويىنىن فرانتسيا قۇراماسىنا قارسى وتكىزدى. كەزدەسۋدىڭ نەگىزگى ۋاقىتى 1:1 ەسەبىمەن اياقتالدى. الدىمەن فرانتسۋز حوككەيشىسى فلاۆيان داير ەسەپ اشسا, كەيىن دميتري برەۋس تارازى باسىن تەڭەستىردى.
وۆەرتايمدا جەڭىمپاز انىقتالماعان سوڭ ماتچ بۋلليتتەر سەرياسىنا ۇلاستى. شەشۋشى ساتتە قازاقستان قۇراماسى 3:2 ەسەبىمەن باسىم ءتۇستى.
تۋرنير بارىسىندا قازاقستاندىق حوككەيشىلەر ليتۆانى 4:1, جاپونيانى 6:0, پولشا قۇراماسىن 3:2 جانە ۋكراينانى بۋلليتتەر سەرياسىندا 5:4 ەسەبىمەن جەڭدى.
وسىلايشا, قازاقستان قۇراماسى الەم چەمپيوناتىنىڭ ءبىرىنشى ديۆيزيونىندا بىردە-ءبىر ماتچتا جەڭىلمەي, جوعارى ديۆيزيونعا قايتا ورالدى.
ەسكە سالايىق, ءساۋىر ايىندا استانانىڭ «بارىس» حوككەي كلۋبىندا ۇزاق جىل ونەر كورسەتىپ, 2007 جىلى قازاقستاننىڭ ۇزدىك حوككەيشىسى اتانعان تالعات جايلاۋوۆ حوككەيدەن ۇلتتىق قۇرامانىڭ تىزگىنىن ۇستاعان بولاتىن.
