وقيعا ورنىنان تۇسىرىلگەن فوتو مەن ۆيدەولار الەۋمەتتىك جەلىلەردە تەز تارالىپ كەتتى.
قالالىق اكىمدىكتىڭ مالىمەتىنشە, ماگيسترالدىق جىلۋ جەلىلەرىنە جۇرگىزىلگەن گيدراۆليكالىق سىناقتار كەزىندە ديامەترى 500 ميلليمەترلىك جىلۋ قۇبىرىندا زاقىم پايدا بولعان. سونىڭ سالدارىنان ليۋك ارقىلى سۋ سىرتقا اتقىلاعان.
الماتى وبلىسى ماڭىندا جەكە ۇيدە گاز جارىلىپ, 4 ادام زارداپ شەكتى
اكىمدىك وكىلدەرى گيدراۆليكالىق سىناقتاردىڭ جىلىتۋ ماۋسىمىنا دايىندىقتىڭ مىندەتتى بولىگى ەكەنىن اتاپ ءوتتى. بۇل جۇمىستار جىلۋ جۇيەسىندەگى ءالسىز تۇستاردى انىقتاۋ ءۇشىن جۇرگىزىلەدى.
«قالىپتى جاعدايدا جىلۋ جۇيەسىندەگى قىسىم 11–12 اتموسفەرا بولسا, سىناق كەزىندە ول 16 اتموسفەراعا دەيىن كوتەرىلىپ, جاسىرىن اقاۋلار انىقتالادى. جۇمىس بارىسىندا كەزەكشى ماماندار جەلىلەردى باقىلاپ, اقاۋ شىققان جەرلەردى دەرەۋ جابادى», دەلىنگەن حابارلامادا.
تەكسەرۋ جۇمىستارى اياقتالعاننان كەيىن ماماندار انىقتالعان اقاۋدى جوسپارلى تۇردە قالپىنا كەلتىرۋگە كىرىسەتىنىن مالىمدەدى.
نۇربولات امانبەك
