العاشقى قارسىلاستارى انىقتالدى

مەلبۋرندەگى جارىستى ءبى­رىن­شى بولىپ جەرلەستەرىمىزدەن قازاق­ستاننىڭ ءبىرىنشى, الەمنىڭ 23-راكەتكاسى ەلەنا رىباكينا باستايدى. ول بۇگىن العاشقى اينالىمدا دۇنيەجۇزىلىك رەيتينگتە 67-ورىندا تۇرعان يتاليالىق ەليزابەتتا كوچچارەتومەن شە­بەرلىك بايقاسادى. ەكى تەننيس­شى بۇگىنگە دەيىن كورتتا ءبىر مارتە كەزدەسكەن. 2017 جىلى اقش اشىق بىرىنشىلىگىنىڭ 1/8 فينالىندا رىباكينا يتاليالىق تەننيسشىنى ەكى سەتتە – 6:4, 6:0 ەسەبىمەن ەش قيىندىقسىز جەڭ­گەن بولاتىن. ەگەر, رى­باكينا ەكىنشى اينالىمعا ءوتىپ جاتسا, الەم­دىك رەي­تينگتە 106-ورىندا تۇر­عان 22 جاس­­تاعى سلو­­ۆە­نيالىق كايا يۋۆان نەمەسە 20 جاس­تا­عى فرانتسيالىق سەلەنا ياني­چيە­ۆيچ­پەن (185) وينايدى.

ال ەرتەڭ ەرلەر اراسىندا قازاقستاننىڭ ءبىرىنشى, الەمنىڭ 36-راكەتكاسى الەكساندر بۋبليك رەيتينگتە وزىنەن ءتورت ساتى جو­عارى تۇرعان يسپانيالىق الە­حاندرو داۆيدوۆيچ-فوكي­نامەن كەز­دەسەدى. بۇل تەننيسشىلەر دە ازىرگە ءوزارا تەك ءبىر مارتە شە­بەرلىك بايقاسقان. 2021 جىلى بار­سەلونا كورتتارىندا وتكەن با­سەكەنىڭ العاشقى كەزەڭىندە بۋبليك قارسىلاسىن ءۇش سەتتە – 2:1 (2:6, 7:5, 6:2) ەسەبىمەن تىزە بۇك­تىرگەن. الەكساندردىڭ ەكىنشى كەزەڭدەگى ىقتيمال قارسىلاستارى – 32 جاستاعى گەرمانيالىق يان-لەننارد شترۋفف (167) پەن 35 جاس­تاعى امەريكالىق توممي پول (35).

سونداي-اق ەرتەڭ الەمدىك رەي­تينگتە 51-ساتىدا تۇرعان يۋليا پۋتينتسەۆا الەمنىڭ 43-راكەت­كاسى رۋمىنيالىق سورانا كىرستيامەن سايىسقا تۇسەدى. پۋتينتسەۆا مەن كىرستيا ءبىر-بىرىنە وتە جاقسى تا­نىس تەننيسشىلەر. ويتكەنى ولار قا­زىرگە دەيىن كورتتا بەس مار­تە كەزدەسكەن. ءۇش باسە­كە­دە جەرلەسىمىزدىڭ مەرەيى ۇس­تەم بولعان بولسا, ەكەۋىندە رۋمىنيالىق تەننيسشىنىڭ باعى جانعان. سوڭعى رەت ەكى تەننيسشى 2019 جىلى گەرمانياداعى تۋر­نيردە ءبىر-بىرىنە قارسىلاس اتان­عان. سول جولى يۋليا ەكى سەتتە – 6:4, 7:5 ەسەبىمەن باسىم تۇس­كەن. ەگەر پۋتينتسەۆا ەكىن­شى اينالىمعا شىعىپ جات­سا, قى­تايلىق سيۋ ۆان (49) نەمەسە چەحيالىق كارولينا پليش­كوۆامەن باق سىنايدى.

ال جۇپتىق باسەكەدە ونەر كور­سەتەتىن اندرەي گولۋبەۆ – الەك­­ساندر نەدوۆەسوۆ, الەك­ساندر بۋبليك – دجون-پا­تريك سميت (اۋستراليا), اننا دانيلينا – سانيا ميرزا ء(ۇن­دىستان), ەلەنا رىباكينا – اناس­تاسيا پاۆليۋچەنكوۆا (رەسەي) جانە يۋليا پۋتينتسەۆا – سو­فيا كەنيندەردىڭ (اقش) قارسى­لاس­تارى كەيىنىرەك بەل­گىلى بولادى.