قازىرگى ۋاقىتتا بۇعان دەيىن ۋاقىتشا جىلۋدان اجىراتىلعان نىساندار جىلۋعا قوسىلدى. بۇل – 20 كوپقاباتتى تۇرعىن ءۇي, 106 جەكە تۇرعىن ءۇي, 14 زاڭدى تۇلعا جانە 2 الەۋمەتتىك نىسان.
«15 قاڭتار كۇنى ساعات 13:30-دا «4ل» جىلۋ كامەراسىنان م. ءجۇسىپ كوشەسى, 124 مەكەنجايىنا قاراي بەكىتۋ ارماتۋراسىن قوسۋ بويىنشا جوندەۋ جۇمىستارى اياقتالدى. جۇمىستاردى «ەكىباستۇز جىلۋ جەلىلەرى» جشس جۇرگىزدى. 8 جۇمىسشى (2 دانەكەرلەۋشى, 3 سلەسار, 3 وقشاۋلاعىش) جانە ءبىر مامانداندىرىلعان تەحنيكا جۇمىلدىرىلدى», دەلىنگەن اكىمدىك حابارلاماسىندا.
سونداي-اق سول كۇنى ساعات 9:00-دەن باستاپ امانگەلدى كوشەسىنەن بۇقار جىراۋ كوشەسىنە دەيىنگى ۋچاسكەدە جىلۋ جەلىسىن جاڭادان ورناتىلعان جەلىگە قايتا قوسۋ جۇمىستارى جۇرگىزىلىپ جاتىر.
جوندەۋ جۇمىستارىنا بايلانىستى 48 جەكە تۇرعىن ءۇي ۋاقىتشا جىلۋدان اجىراتىلدى. جۇمىستاردى كۇننىڭ سوڭىنا دەيىن اياقتاۋ جوسپارلانىپ وتىر.
