بۇل جيىن فرانتسيا دزيۋدو فەدەراتسياسىمەن بىرلەسىپ وتكىزىلىپ جاتىر. ەلىمىزدىڭ دزيۋدو فەدەراتسياسىنىڭ باسشىلارى, باپكەرلەر مەن ۇلتتىق قۇراما سپورتشىلارىنان بولەك, جيىندا كورۋگە قر مسم سپورت جانە دەنە شىنىقتىرۋ ىستەرى كوميتەتىنىڭ توراعاسى سامات ەرعاليەۆ پەن سپورتتى دامىتۋ ديرەكتسياسىنىڭ ديرەكتورى ورالباي جاقسىمبەتوۆ ارنايى باردى.
«بۇل جيىن ءبىزدىڭ اۋىر سالماقتاعى دزيۋدوشىلارىمىز ءۇشىن جاقسى تəجىريبە جينايتىن مۇمكىندىك. وسىنداي جيىنداردىڭ الداعى ۋاقىتتا نəتيجەسىن كورەتىنىمىزگە سەنىمدىمىز. مəدەنيەت جانە سپورت مينيسترلىگى مۇنىمەن توقتاپ قالمايدى. پاريج وليمپياداسى قارساڭىندا دزيۋدودان فرانتسيا قۇراماسىنىڭ بارلىق سپورتشىسىن شاقىرىپ, وقۋ-جاتتىعۋ جيىنىن وتكىزسەك دەيمىز», دەدى سامات ەرعاليەۆ.
فرانتسيادان كەلگەن مارتەبەلى قوناق – تەددي رينەر مەن ونىڭ جەكە باپكەرى فرەنك چامبيليگە شاپان مەن قامشى تارتۋ ەتتى.
«مəدەنيەت جəنە سپورت مينيسترلىگى قولداۋىنىڭ ارقاسىندا تەددي رينەر سىندى تانىمال دزيۋدوشىنى شاقىردىق. ماقسات – اۋىر سالماقتى جانداندىرىپ, بəسەكە قالىپتاستىرۋ. ۇلتتىق قۇرامادا 100 جəنە 100 كگ جوعارى سالماقتا جەڭىس ءداستۇرى بولعانىن جانكۇيەرلەر بىلەدى. توكيو وليمپياداسىندا وسى سالماقتاردا بىزدەن ەشكىم كۇرەسپەدى. سوندىقتان وسى قادامعا بارىپ وتىرمىز. جالپى مۇندا 25 دزيۋدوشى بار. ءبəرىنىڭ رينەرمەن كۇرەسىپ, پسيحولوگيالىق تۇرعىدان جاقسى دايىندالا الادى», دەپ ايتتى قازاقستان دزيۋدو فەدەراتسياسىنىڭ باس حاتشىسى اسحات جىتكەەۆ.
ايتا كەتەيىك, 2022 جىلعى ەل چەمپيوناتىنىڭ ناتيجەسى بويىنشا جاساقتالعان قازاقستان قۇراماسىنىڭ دزيۋدوشىلارى 2 توپقا ءبولىندى. الماتى قالاسىندا دزيۋدو اكادەمياسىندا اۋىر سالماقتاعى تاتامي شەبەرلەرى جاتتىعۋ وتكىزىپ جاتىر. ال الماتى وبلىسىنداعى «جاڭاشار» وليمپيادالىق دايارلاۋ ورتالىعىندا قازاقستان قۇراماسىنىڭ 100-گە جۋىق سپورتشىسى شەبەرلىگىن شىڭداپ جاتىر.
ايتا كەتەرلىگى, اتالعان جاتتىعۋ جيىنى قازاقستان ەرلەر قۇراماسىنىڭ باس باپكەرى نۇربول سۇلەيمەنوۆ, ايەلدەر قۇراماسىنىڭ باس باپكەرى ەرلان الپىسباەۆ, فرانتسيالىق جاتتىقتىرۋشى-كەڭەسشىلەر كساۆە موندەنكس جانە ستەفان تراينو جەتەكشىلىگىمەن وتەدى. جالپى جيىن 22 قاڭتارعا دەيىن جالعاسادى.
