اتالعان لاگەردە دەمالىپ جۇرگەندە كەنەتتەن كوز جۇمعان 14 جاسار جەتكىنشەكتىڭ ولىمىنە بايلانىستى مينيسترلىك جانىنان ارنايى كوميسسيا قۇرىلدى. ونىڭ قۇرامىندا بالالاردىڭ قۇقىعىن قورعاۋ كوميتەتى, ءبىلىم باسقارماسى مەن قۇقىق قورعاۋ ورگاندارىنىڭ وكىلدەرى بار.
ايتا كەتسەك, دەنساۋلىق ساقتاۋ مينيسترلىگى مەن وزگە دە قۇزىرەتتى ورگاندار اتالعان جاعدايعا بايلانىستى تەكسەرۋ جۇمىستارىن باستاپ كەتكەن. ال قازىرگى جاسالعان ساراپتاما ناتيجەسى بالانىڭ IV دارەجەلى قاتەرلى ىسىكپەن اۋىرعانىن كورسەتتى.
«بارلىق ماسەلەلەر ادىلەتتى تۇردە قاتاڭ تەكسەرىلەدى. ول مەنىڭ ءجىتى باقىلاۋىمدا. كوميسسيانىڭ تەكسەرۋ قورىتىندىسى بويىنشا لاگەردىڭ باسشىلىعىنا قاتاڭ ءتيىستى جازا قولدانىلاتىنىن اتاپ وتكىم كەلەدى. قالعان ماسەلەلەرگە قاتىستى قۇقىق قورعاۋ ورگاندارىمەن بىرگە تەكسەرۋ جۇرگىزىلىپ جاتىر. بارلىق ماسەلەلەر تولىق انىقتالعاننان كەيىن ناقتى شەشىم تۋرالى حابارلايتىن بولامىز», دەدى وقۋ-اعارتۋ ءمينيسترى عاني بەيسەمباەۆ.
