Energyprom دەرەكتەرىنە قاراعاندا قازاقستانداعى جۇمىسسىزدىق دەڭگەيى ءبىر جىل ىشىندە ايتارلىقتاي وزگەرگەن جوق. 2022 جىلدىڭ ءۇشىنشى توقسانىندا 4,9%-دى قۇرادى, بۇل رەتتە 2020 جىلدىڭ ءتيىستى كەزەڭىندە كورسەتكىش 5%-عا جەتتى. ال 2019 جىلدىڭ ءۇشىنشى توقسانىندا ول 4,8%-دى قۇرادى.
وڭىرلىك بولىنىستە 2022 جىلدىڭ ءۇشىنشى توقسانىندا جۇمىسسىزدىقتىڭ ەڭ جوعارى دەڭگەيى, دالىرەك ايتقاندا 5,3%-ى تۇركىستان جانە ماڭعىستاۋ وبلىستارىندا بايقالدى. سونداي-اق قىزىلوردا جانە باتىس قازاقستان وبلىستارىندا جۇمىسسىزدىق دەڭگەيى 5%-دان استى.
وڭىرلەر اراسىندا جۇمىسسىزدىقتىڭ ەڭ تومەن دەڭگەيى ۇلىتاۋ وبلىسىندا بايقالدى: 4,1 %. ودان كەيىن قاراعاندى وبلىسى (4,3 %) جانە استانا (4,5%).
ايتا كەتەرلىگى, وتكەن جىلى قالالارداعى جۇمىسسىزدىق دەڭگەيى اۋىلدارعا قاراعاندا جوعارى بولدى: 4,9% (قالالار), 4,8% (اۋىلدار). دەگەنمەن, وتكەن جىلمەن سالىستىرعاندا بيىل قالالاردا جۇمىسسىزدىق دەڭگەيى تومەندەدى, ال اۋىلداردا كەرىسىنشە ءوستى.
قالالىق جەردە جۇمىسسىز حالىق سانى ءبىر جىل ىشىندە 0,7%-عا, 271,2 مىڭ ادامعا دەيىن قىسقاردى, ال اۋىلدا 0,8%-عا, 179,1 مىڭ ادامعا دەيىن وسكەن.
گەندەرلىك تۇرعىدان العاندا, ايەلدەردىڭ جۇمىسسىزدىق دەڭگەيى (5,7%) ەرلەر دەڭگەيىنەن (4,1%) ەداۋىر جوعارى, بۇل 2012 جىلدان بەرگى ەڭ ۇلكەن ايىرماشىلىق. ءبىر جىل بۇرىن ايەلدەردىڭ جۇمىسسىزدىق دەڭگەيى 5,5%-دى, ال ەرلەر دەڭگەيى 4,3%-دى قۇراعان.
قازاقستاندا جۇمىسسىز ايەلدەر سانى ءبىر جىلدا بىردەن 4,3%-عا ءوسىپ, 2022 جىلدىڭ ءۇشىنشى توقسانىندا 257,4 مىڭ ادامعا جەتتى, ال جۇمىسسىز ەرلەر سانى 5,5%-عا, 192,9 مىڭ ادامعا دەيىن قىسقاردى.
