دجەيمس كەمەروننىڭ قازاق تىلىنە اۋدارىلعان ءفيلمى 69 ميلليون تەڭگەدەن اسا رەكورد سومانى جينادى. قازاق تىلىندەگى سەانستاردى بارلىعى 42 مىڭنان اسا كورەرمەن تاماشالادى.
– «اۆاتار: سۋ جولى» – 2022 جىلى قازاق تىلىنە اۋدارىلعان ديسنەيدىڭ ءۇشىنشى ءفيلمى. دۋبلياجدى شىعارمالارى ساۋاتتى ادەبي ستيلمەن ەرەكشەلەنەتىن Aray Media Group ستۋدياسى جاسادى. فيلمدەر – ءتىلدى تانىمال ەتۋدىڭ تاماشا ءتاسىلى. فيلمدەر سوزدىك قوردى بايىتۋعا, سونداي-اق ءتۇرلى ءسوز تىركەس پەن ورنەكتى قولدانۋدىڭ ءمانماتىنىن تۇسىنۋگە مۇمكىندىك بەرەدى. بۇل ءفيلمدى ەكىنشى رەت ءبىلىم بەرۋ ماقساتىندا كورۋگە بولادى, – دەيدى كومپانيا وكىلدەرى.
Meloman-نىڭ رەسمي مالىمەتىنشە, ءفيلمنىڭ تمد ەلدەرىندەگى جالپى كاسسالىق الىمدارى 7,3 ميلليون دوللاردان (3,4 ميلليارد تەڭگەدەن استام) استى, بۇل «اۆاتار: سۋ جولى» پروكاتىنىڭ باستالۋىن تمد تاريحىنداعى ەڭ ءساتتى ەتتى. تەك قازاقستانداعى كورەرمەن سانى ءبىر ميلليوننان استى. فيلم كاسساسى 4,1 ميلليون دوللاردان اساتىن Marvel-ءدىڭ «ورمەكشى ادام: ۇيگە قايتار جول جوق» جانە 3,9 ميلليون دوللاردان اساتىن «دوكتور سترەنج» فيلمدەرىن ارتتا قالدىردى.
«كەمەروننىڭ تۋىندىسى ەلىمىزدىڭ پروكات تاريحىنداعى ەڭ كاسسالىق كوركەم جانە انيماتسيالىق فيلمدەر تىزىمىندە ءبىرىنشى ورىندا تۇر. كورەرمەندەر مەن ءباسپاسوز وكىلدەرى ءفيلمدى گولليۆۋدتىڭ ەڭ ماڭىزدى كارتينالارىنىڭ ءبىرى دەپ اتادى. بۇل, شىن مانىندە, بۇكىل سالا ءۇشىن تاريحي جانە مادەني كەزەڭ. ونىڭ ماڭىزىن تولىق باعالاۋ ءۇشىن ەگجەي-تەگجەيلى تالداپ, بىرنەشە شولۋ جاساۋ كەرەك», دەدى كومپانيا وكىلدەرى.
