قازاقستان تەننيس فەدەراتسياسىنىڭ مالىمەتىنشە, دانيلينا بۇگىن جاڭارتىلعان الەمدىك رەيتينگىدە 11-دەن 10-ورىنعا كوتەرىلدى. بۇل ونىڭ سپورتتىق جولىنداعى جەكە رەكوردى.
اننا ۇندىستاندىق سانيا ميرزامەن بىرگە ادەلايدا-2 WTA 500 ءتۋرنيرىنىڭ العاشقى اينالىمىندا جارىستىڭ ءبىرىنشى راكەتكالارى چەحيالىق باربورا كرەيچيكوۆا مەن اۋستراليالىق ستورم ساندەرسپەن شەبەرلىك بايقاستى.
تارتىستى كەزدەسۋدە ءبىرىنشى پارتيادا قازاقستاندىق-ۇندىستاندىق جۇپ 6:3 ەسەبىمەن باسىمدىق تانىتتى. ەكىنشى سەتتە قارسىلاستارى ءدال سونداي ەسەپپەن ەسە قايىردى. سۋپەر تاي-برەيكتە ب.كرەيچيكوۆا مەن س.ساندەرس جەڭىستى ج ۇلىپ الدى – 10:6.
ەندى دانيلينا ميرزامەن بىرگە جىلدىڭ باستى تۋرنيرلەرىنىڭ ءبىرى – اۋستراليا اشىق چەمپيوناتىندا ونەر كورسەتەدى.
