جەرگىلىكتى بيلىك بار كۇش-جىگەرىن جەكە كاسىپكەرلىكتى قولداۋعا, ينۆەستيتسيا تارتۋعا, جاڭا اۋقىمدى وندىرىستەرگە قولايلى جاعداي جاساۋعا باعىتتاپ وتىر.
ماسەلەن, تۇلكىباس اۋدانىنداعى وڭىردەگى «ساستوبە يننوۆاتسيالىق كەشەنى» جشس-ءنىڭ ينجەنەرلىك جۇيەسىنىڭ قۇرىلىسى 1000-نان استام ادامدى جۇمىسپەن قامتىپ وتىر. زاۋىتتا سۋمەن, گازبەن, ەلەكترمەن قامتۋ بويىنشا ينجەنەرلىك جۇمىستار جۇرگىزىلىپ جاتىر. قۇرىلىس بارىسىن تۇركىستان وبلىسى اكىمىنىڭ ءوزى ارالاپ كوردى.
ايتا كەتسەك, كاسىپورىن جەكە ينۆەستوردىڭ قاراجاتىنا سالىنىپ جاتىر. دارحان ساتىبالدى جوبانى قولداپ, وتاندىق ءونىم تۇرلەرىن كوبەيتۋدى تاپسىردى.
دايىن شيكىزاتتى قايتا وڭدەۋ جانە دايىن ءونىم شىعارۋ بويىنشا ءوندىرىستى دامىتۋ ماسەلەسى دە ماڭىزدى ەكەنىن اتاپ ءوتتى. ايماق باسشىسى سول ماڭنان يندۋستريالىق ايماق سالۋ ماسەلەسىنە توقتالا كەتتى.
جوبا 2024 جىلدىڭ ماۋسىم ايىندا اياقتالادى دەپ جوسپارلانىپ وتىر. زاۋىت ىسكە قوسىلعاننان كەيىن جىلىنا 100 مىڭ توننا كۇيدىرگىش سودا, 120 مىڭ توننا پوليۆينيلحلوريد (پۆح) جانە 1 ميلليون توننا تسەمەنت وندىرىلەدى. جوبانىڭ جالپى قۇنى 122 ميلليارد 850 ميلليون تەڭگەنى قۇرايدى.
ءوڭىر باسشىسى تۇلكىباس اۋدانىنداعى «قاس-بەتون» جشس جۇمىسىمەن دە تانىستى. 2008 جىلى ىسكە قوسىلعان زاۋىتتا 200-دەن استام ادام جۇمىس ىستەيدى. مۇندا اكتاس وندىرىلەدى.
دارحان ساتىبالدى اۋدان اكىمىنە ينۆەستورلارمەن جۇمىستى كۇشەيتىپ, ءوندىرىس كولەمىن ارتتىرۋدى مىندەتتەدى. ول كاسىپكەرلىكتى دامىتۋدىڭ ينفراقۇرىلىمىن قۇرۋدى باستى نازاردا ۇستاۋ كەرەكتىگىن اتاپ ءوتتى. اكىمنىڭ ايتۋىنشا, بۇل ماسەلە وبلىس تاراپىنان ارقاشان قولداۋ تابادى.
بۇدان بولەك اكىم سايرام اۋدانىندا بولىپ, جەرگىلىكتى تۇرعىندارمەن كاسىپكەرلىكتى دامىتۋ جونىندە پىكىر الماستى.
ء«بىز ورتالىقتان تۇسەتىن بيۋدجەت قاراجاتىنا ەمەس, كاسىپكەرلىك پەن زاۋىتتاردان تۇسەتىن تابىسقا سەنۋىمىز كەرەك. بۇگىندە ونەركاسىپتەردى قۇرۋعا باسىمدىق بەرىلەدى. حالىقتى كاسىپكەرلىككە تارتۋ, جاڭا كاسىپورىندار اشۋ ماسەلەسىن نازاردا ۇستاۋ اسا ماڭىزدى. بۇل باسشىلار جۇمىسىنىڭ باستى كورسەتكىشتەرىنىڭ ءبىرى بولماق», دەدى ول.
