«قارلى بوران مەن كورىنۋدىڭ شەكتەلۋىنە بايلانىستى رەسپۋبليكالىق تاسجولداردىڭ 10 ۋچاسكەسىندە كولىك قوزعالىسىنا شەكتەۋ قويىلدى», دەپ حابارلادى «قازاۆتوجول» ۇك ءباسپاسوز قىزمەتىنەن.
اقمولا وبلىسىندا جەزقازعان-پەتروپاۆل تاسجولىنىڭ 377-440 شاقىرىمىندا كولىكتىڭ بارلىق تۇرىنە شەكتەۋ ەنگىزىلدى.
سونداي-اق «كوكشەتاۋ-اتباسار» تاسجولىنىڭ 49-184 شاقىرىمىندا كولىك قوزعالىسى شەكتەلگەن.
اباي اۋدانىندا «ومبى-مايقاپشاعاي» تاسجولىنىڭ 910-1002 شاقىرىمىندا, جۇك جانە قوعامدىق كولىك ءۇشىن «ومبى-مايقاپشاعاي» تاسجولىنىڭ 1002-1087 شاقىرىمىندا, «الماتى-وسكەمەن» تاسجولىنىڭ 971-1068 شاقىرىمىندا شەكتەۋلەر ەنگىزىلدى.
شىعىس قازاقستان وبلىسىندا «وسكەمەن-شەمونايحا» جانە «وسكەمەن-ريددەر» تاسجولىندا كولىكتىڭ بارلىق تۇرلەرى ءۇشىن شەكتەۋ ەنگىزىلدى.
ۇلىتاۋ وبلىسىندا «جەزقازعان-پەتروپاۆل» تاسجولىنىڭ جەزدى اۋىلىنان قوستاناي وبلىسىنىڭ شەكاراسىنا دەيىنگى بولىگىندە كولىكتىڭ بارلىق تۇرىنە شەكتەۋ ەنگىزىلدى.
قوستاناي وبلىسىندا «جەزقازعان-پەتروپاۆل» تاسجولىنىڭ ەكى ۋچاسكەسى كولىكتەردىڭ بارلىق ءتۇرى ءۇشىن جابىلدى. ارقالىق قالاسىنان اقمولا وبلىسىنىڭ شەكاراسىنا جانە ۇلىتاۋ وبلىسىنىڭ شەكاراسىنان ارقالىق قالاسىنا دەيىن جابىق.
