فوتو: polisia.kz
وسكەمەن قالاسى پب ەرتىس پوليتسيا ءبولىمىنىڭ كريمينالدىق پوليتسيا قىزمەتكەرلەرى باۋ-باقشا قوعامدارىنىڭ بىرىندە سالماعى 105 گرامنان اساتىن ماريحۋانانى وتكىزۋ فاكتىسىن انىقتادى.
بەلگىلى بولعانداي, 31 جاستاعى جەرگىلىكتى تۇرعىن 27 جاستاعى جىگىتكە ەسىرتكىنى 38 000 تەڭگەگە ساتقان.
«جەدەل-ىزدەستىرۋ ءىس-شارالارى بارىسىندا پد قىزمەتكەرلەرى كۇدىكتى بولعان ۆاز اۆتوكولىگىن توقتاتتى. كولىكتىڭ ىشىنەن ورالعان سومكە تابىلدى. سونىمەن قاتار ءتىنتۋ كەزىندە اۆتوكولىكتەن ەرەكشە ءيىسى بار قوڭىر-جاسىل ءتۇستى ۇنتاق ءتارىزدى زاتى بار ءۇش وراما تابىلىپ, تاركىلەندى. ساراپتاما قورىتىندىسىنا سايكەس, بۋمالاردىڭ ىشىندە 10 كەلىدەن استام كەپتىرىلگەن ماريحۋانا جانە 1,9 كەلىگە جۋىق گاشيش بولعان», دەدى پوليتسيا.
كۇدىكتى ۋاقىتشا ۇستاۋ يزولياتورىنا قامالدى. اتالعان فاكتى بويىنشا سوتقا دەيىنگى تەرگەۋ امالدارى ءجۇرىپ جاتىر.
