ءوڭىردىڭ پد ءباسپاسوز قىزمەتى حابارلاعانداي, 3 قاڭتار كۇنى تاڭەرتەڭ 4 باعىت بويىنشا جولداردىڭ جابىلۋىنا بايلانىستى پولك پەن پاترۋلدىك پوليتسيا باتالونىنىڭ ناريادتارى قىزمەت وتكەرۋدىڭ كۇشەيتىلگەن نۇسقاسىنا اۋىستىرىلدى.
وڭتۇستىك باعىتتا 30-عا جۋىق كولىك تۇرىپ قالسا, سولتۇستىكتە 200-گە جۋىق كولىك تۇر.
«باتالون ناريادتارى اۆتوماشينالار كولونناسىن جاقىن ەلدى مەكەنگە دەيىن الىپ ءجۇرۋدى ۇيىمداستىردى. توتەنشە جاعدايلاردى جانە جۇرگىزۋشىلەر مەن جولاۋشىلاردىڭ قاۋىپسىزدىگىن بولدىرماۋ ماقساتىندا قاراعاندى وبلىسىنىڭ پوليتسيا دەپارتامەنتى اۆتوكولىك جۇرگىزۋشىلەرىنە الىس ساپارلاردان باس تارتۋدى جانە ەلدى مەكەننەن تىس جەرلەرگە شىقپاۋدى ۇسىنادى», دەلىنگەن ۆەدومستۆو حابارلاماسىندا.
