«30 جەلتوقساندا ساعات 16:00-دە «گورۆودوكانال» مكك سۋ تازارتۋ قۇرىلىستارىنىڭ اۋماعىندا گورۆودوكانال جۇمىسكەرلەرى جوندەۋ جۇمىستارىن جۇرگىزگەن كەزدە ديامەترى 500 مم تەحنيكالىق سۋ قۇبىرى جارىلعان», دەپ حابارلادى توتەنشە جاعدايلار مينيسترلىگىنىڭ داعدارىستى جاعدايلاردى باسقارۋ ورتالىعىندا.
قازىر سۋمەن جابدىقتاۋ ديامەترى 150 مم اۋىز سۋ قۇبىرىنان وندىرىلەدى. قازىرگى ۋاقىتتا جىلۋ جەلىسىن قورەكتەندىرۋ رەزەرۆۋارلارىنىڭ دەڭگەيى 5 مەتردى قۇرايدى, وقيعا بولعان كەزدە 6,5 مەتر (6 500 مىڭ تەكشە مەتر سۋ) بولدى.
«ورىن العان اپاتقا بايلانىستى باكتارداعى سۋ دەڭگەيى ەكى ساعاتتا 1 مەترگە تومەندەيدى. وقيعاعا دەيىن جىلۋ جەلىسىن سۋمەن جابدىقتاۋ ساعاتىنا 600-700 توننانى قۇرادى, قازىرگى ۋاقىتتا قۋاتتاندىرۋ ساعاتىنا 600 توننانى قۇرايدى. جىلۋ جانە سۋمەن جابدىقتاۋ شتاتتىق رەجيمدە بەرىلەدى»,دەپ تولىقتىردى قر تجم وكج.
سۋ ايداۋ جۇمىستارىنا 20 ادام, 2 ماشينا جانە 4 موتوپومپالار جۇمىلدىرىلعان.
وقيعا ورنىنا ەكىباستۇز اكىمىنىڭ ءبىرىنشى ورىنباسارى جانە پاۆلودار وبلىسى تجد باستىعىنىڭ ءبىرىنشى ورىنباسارى دا باردى.
