«جاڭا اكىمىنىڭ كانديداتۋراسى قر پرەزيدەنتى اكىمشىلىگىندە كەلىسىلىپ, قالالىق ءماسليحات دەپۋتاتتارىمەن ماقۇلداندى», دەلىنگەن وبلىس اكىمىنىڭ ءباسپاسوز قىزمەتى تاراتقان حابارلامادا.
اساين بايحانوۆ اكىمدىك قىزمەتتىڭ باسىمدىقتارىن ايقىنداپ, جاڭا اكىمنىڭ جۇمىسىنا تابىس تىلەدى.
«وبلىس ورتالىعىنىڭ باسشىسى بولۋ - ۇلكەن جاۋاپكەرشىلىك. قالا تۇرعىندارىمەن تىعىز قارىم-قاتىناس جاساي وتىرىپ, كوممۋنالدىق قىزمەتتەر مەن باسقا دا مەملەكەتتىك ورگانداردىڭ جۇمىسىن قۇرىپ, حالىقتىڭ ماسەلەلەرىن جەدەل شەشۋ قاجەت. پاۆلودار قالاسىن ودان ءارى دامىتۋ, ونى اباتتاندىرۋ, قالا تۇرعىندارىنىڭ ءومىرىن جاقسارتۋ - قالا باسشىسى جۇمىسىنىڭ باسىم باعىتتارىنا اينالۋعا ءتيىس», دەپ اتاپ ءوتتى پاۆلودار وبلىسىنىڭ اكىمى اساين بايحانوۆ.
ەرجان يمانزايىپوۆ 1984 جىلى تۋعان, ەكى جوعارى ءبىلىمى بار. 2006 جىلى س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىن «ونەركاسىپتىك جىلۋ ەنەرگەتيكاسى» ماماندىعى بويىنشا; 2010 جىلى الماتى ەكونوميكا جانە ستاتيستيكا اكادەمياسىن «قارجى» ماماندىعى بويىنشا بىتىرگەن.
ەڭبەك جولىن 2006 جىلى پاۆلودار قالاسىنىڭ تۇرعىن ءۇي-كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى ءبولىمىنىڭ باس مامانى بولىپ باستاعان.
2006 جىلدان 2007 جىلعا دەيىن قر يندۋستريا جانە ساۋدا مينيسترلىگى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ جەتەكشى مامانى بولىپ جۇمىس ىستەدى.
2007 جىلدان 2011 جىلعا دەيىن قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ جەتەكشى مامانى, ساراپشىسى بولعان.
2011-2013 جىلدارى اقمولا وبلىسىنىڭ تابيعي مونوپوليالاردى رەتتەۋ دەپارتامەنتى ديرەكتورىنىڭ ورىنباسارى قىزمەتىن اتقارعان.
2013 جىلدان 2014 جىلعا دەيىن قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ باسقارما باسشىسى, دەپارتامەنت ديرەكتورىنىڭ ورىنباسارى بولعان.
2014 جىلدان 2016 جىلعا دەيىن پاۆلودار قالاسى اكىمىنىڭ ورىنباسارى قىزمەتىن اتقاردى.
2016 جىلدان 2017 جىلعا دەيىن ەكىباستۇز قالاسى اكىمىنىڭ ورىنباسارى بولدى.
2017 جىلدان 2019 جىلعا دەيىن پاۆلودار وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ باسشىسى بولىپ جۇمىس ىستەدى.
2019 جىلدان 2020 جىلعا دەيىن ەكىباستۇز قالاسىنىڭ اكىمى بولدى.
