تاۋەكەلدەردىڭ الدىن الۋ جانە تابيعي اپاتتاردى جويۋ جونىندەگى ۇلتتىق كەڭەستىڭ جۇما كۇنى جاريالانعان بايانداماسىندا اتاپ وتىلگەندەي, سۋ تاسقىنىنان رەسپۋبليكانىڭ 10 وڭىرىندە 509,3 مىڭنان استام ادام زارداپ شەكتى.
ۆەدومستۆونىڭ مالىمەتىنشە, 151 ەۆاكۋاتسيالىق پۋنكتتە 15,8 مىڭ ادام قونىس اۋدارعان. كەم دەگەندە 1,42 مىڭ ادام ۇيلەرىن تاستاپ كەتكەن, 12 ادام ءتۇرلى دەنە جاراقاتتارىن العان. رەسپۋبليكانىڭ توعىز وبلىسىندا سۋ تاسقىنى مەن كوشكىندەردى قوسا العاندا, 434 اپاتقا بايلانىستى وقيعا تىركەلدى.
4,5 مىڭ ءۇي 54,9 ميلليون پەسوعا (983,4 مىڭ دوللار) زيان شەكتى. 95 ينفراقۇرىلىم نىسانىنا كەلتىرىلگەن زالال 1,13 ميلليارد پەسوعا (20,2 ميلليون دوللار), اۋىل شارۋاشىلىعىنا 232,7 ميلليون پەسوعا (4,16 ميلليون دوللار) باعالانعان. سۋ تاسقىنى 129 جول مەن 14 كوپىردى, 19 تەڭىز پورتىن زاقىمدادى. 63 قالادا ەلەكتر قۋاتىنىڭ ءۇزىلۋى تىركەلدى, بىراق 60 قالادا ول قالپىنا كەلتىرىلدى.
67 قالا مەن 71 مۋنيتسيپاليتەتتە وقۋ ورىندارىنداعى ساباقتار مەن كاسىپورىندارداعى جۇمىس توقتاتىلدى. 21 ەلدى مەكەندە توتەنشە جاعداي رەجيمى ەنگىزىلدى. ۇكىمەت كومەككە 51,4 ميلليون پەسو (920,8 مىڭ دوللار) ءبولدى.
