حوپمان كۋبوگى جانە ATP Cup جارىسىنىڭ ورنىن باساتىن اتالعان دوداعا قاتىسۋشىلار ATP جانە WTA رەيتينگىندە 500 ۇپايعا دەيىن يەلەنىپ, تابىسىن مولايتا الادى. بۇل سىندا قازاقستان نامىسىن يۋليا پۋتينتسەۆا (№51), جىبەك قۇلامباەۆا (جۇپتىق سىندا №202), گوزال اينيتدينوۆا (جۇپتىق سىندا №392), الەكساندر بۋبليك (№37), تيموفەي سكاتوۆ (№142), دەنيس ەۆسەەۆ (№292) جانە گريگوري لوماكين (جۇپتىق سىندا №205) قورعايدى.
قازاقستاندىق تەننيسشىلەر ۆ توبىندا پولشا جانە شۆەيتساريا قۇرامالارىمەن سىنعا تۇسەدى. بۇل توپتاعى باسەكەلەردىڭ ءبارى بريسبەن قالاسىندا وتەدى. بۇگىن العاشقى بولىپ يۋليا پۋتينتسەۆا, ىلە-شالا تيموفەي سكاتوۆ كورتقا شىعادى. پۋتينتسەۆا شۆەيتساريالىق بەليندا بەنچيچپەن شەبەرلىك بايقاسادى. جەرلەسىمىز ب.بەنچيچپەن بۇگىنگە دەيىن بەس مارتە كەزدەسىپ, ءۇش ماتچتا قارسىلاسىنان باسىم تۇسكەن. سكاتوۆتىڭ قارسىلاسى – مارك-اندرەا حيۋسلەر.
