مۇنداي نورما «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەكولوگيالىق تازا كولىكتى تانىمال ەتۋ جانە ەلەكتروموبيلدەر ءۇشىن ينفراقۇرىلىمدى دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىندا قامتىلعان.
ءماجىلىس دەپۋتاتى الەكساندر ميليۋتين زاڭ جوباسىن دەپۋتاتتار ەكولوگيالىق تازا كولىكتى ناسيحاتتاۋ ماقساتىندا باستاماشىلىق ەتكەنىن ايتتى.
«زاڭ جوباسىن قابىلداۋ ەلەكتروموبيلدەر ءۇشىن ينفراقۇرىلىمدى دامىتۋعا, ەكولوگيالىق تازا كولىكتى پايدالانۋعا جاعداي جاساۋعا, ەلەكتر زاريادتاۋ ستانتسيالارىن ورناتۋ جونىندەگى قىزمەتتى رەتتەۋدىڭ قۇقىقتىق تەتىكتەرىن جاساۋعا مۇمكىندىك بەرەدى. سونىمەن قاتار اكىمشىلىك قۇقىق بۇزۋشىلىق تۋرالى كودەكستە ەلەكتروموبيلدەردى توقتاتۋ نەمەسە تۇراققا قويۋ ءۇشىن بەلگىلەنگەن ورىنداردا اۆتوكولىكتى توقتاتۋ نەمەسە تۇراققا قويۋ ەرەجەلەرىن بۇزعانى ءۇشىن اكىمشىلىك جاۋاپكەرشىلىك قاراستىرىلعان», دەدى ءماجىلىس دەپۋتاتى الەكساندر ميليۋتين.
