سارى قۇرلىق باسەكەسىنىڭ سوڭعى كۇنىندە قازاقستاندىق يلفات ابدۋللين جەكەلەي باسەكەنىڭ (كلاسسيكالىق تۇرىنەن) فينالىندا بانگلادەشتىك مۇحاممەد حاكىم احمەت رۋبەلدى 6:4 ەسەبىمەن جەڭىپ, جارىس جەڭىمپازى اتاندى. سونداي-اق قۇرامىندا يلفات ابدۋللين, داۋلەتكەلدى جاڭبىرباي مەن سانجار مۇساەۆ بار قازاقستاننىڭ ەرلەر كومانداسى (كلاسسيكالىق سايىس) قولا جۇلدە ءۇشىن وتكەن باسەكەدە بانگلادەش ساداقشىلارىن 6-2 ەسەبىمەن تىزە بۇكتىرىپ, ازيا كۋبوگىنىڭ قولا جۇلدەسىنە يە بولدى.
ال جارىستىڭ العاشقى كۇنىندە قۇرامالى ساداقپەن (Compound bow) نىسانا كوزدەۋدە قازاقستان قۇراماسى 1 كۇمىس جانە 1 قولا مەدال ولجالادى. وسىلايشا, جەرلەستەرىمىز ساداق اتۋدان ازيا كۋبوگىنىڭ ءۇشىنشى كەزەڭىن 1 التىن, 1 كۇمىس جانە 2 قولا مەدالمەن قورىتىندىلاپ, جالپىكوماندالىق ەسەپتە 4-ورىنعا تابان تىرەدى.
